粵語及中文資料整合

[恆智德]

呢排整理過部分粵語字，當中發現唔少粵語同中文資料，包括各種辭典、研究考證、以及古文原著，而家擺上來同大家分享下

粵語字典

• 粵音資料集叢，搜集十種以上粵語字典及其他粵語材料，對照唔同讀音，並提供康熙字典有關條目；有關研究資料更可從Github獲取
• 粵語審音配詞字庫，彙總四本粵語字典（上面個網都有），支持現行七種粵語注音系統，仲有英文解釋同倉頡碼
• 泛粵大典，記錄粵語唔同片區嘅發音
• 臺山話字典，臺山話在綫查，中英文或者音標都得，另外仲有得聽發音，不過中文淨支持簡體

粵語詞典

• 現代標準漢語與粵語對照資料庫，提供現代官話同粵語之間互譯，不過淨係得基礎詞彙
• 羊羊粵語(原粵K粵愛)，搜羅大量粵語詞，包括各種俗語同成語
• 粵典，民間編寫嘅粵語詞典，對收錄詞條提供讀音、粵英文解釋同雙語例句，不過好多詞條都未公開
• 粵語填詞，輸入數字即可搜查粵語詞，仲有得搵粵語歌，粵語填詞人得力助手
• 簡體粵語詞典兩種：開放粵語詞典同粵語詞彙大全，内地粵語初學者可以大致睇下，尤其後者一次過列出基本粵語詞彙，不過已經十年無更新過

粵英詞典

• CantoDict，第一本網上粵英詞典，由網友編輯
• CC-Canto，粵英詞典（未用過，不過睇樣OK）
• Dictionary of Cantonese Slang，英語版粵語俚語大全，有得download（195Mb）

粵語研究

• 論粵方言詞本字考釋，陳伯煇著，實例豐富，論證紥實，考證粵語本字嘅入門級讀本
• 粵語詞彙研究所，收集黃樹堅老師幾本粵語考證專著，尤其注重音韻論證同古書實例；詞條唔算太多（幾百條左右），不過睇完必定獲益良多
• 廣州語本字選注，主要結合康熙字典對晚清舉人詹憲慈所作《廣州語本字》進行選注和校正；不過作者似乎未夠班，對好多已經考證過嘅粵語古字都唔知，唔建議細讀（實際上《廣州語本字》雖然開粵語字考證先河，但好多考證同而家正字佬差唔多，意義相近就覺得搵到本字，基本唔理讀音，一句「一音之轉」就算解釋到）

古文字典

• 中國哲學書電子化計劃字典，彙集多本韻書材料（主要係《宋本廣韻》同《康熙字典》），並提供衆多原典實例（中國哲學書電子化計劃已收集超過三萬部著作，合共五十億字）
• 韻典網，綜合韻書查詢工具，包含《廣韻》、《中原音韻》《洪武正韻牋》《分韻撮要》四部韻典
• 教育部異體字字典，臺灣國家教育研究院建立維護，入邊有各種辭書原版（文字圖）
• 漢語多功能字庫，「粵語審音配詞字庫」擴展版，除粵語讀音之外更搜羅各地方言讀音
• 小學堂，由臺灣行政院國家科學委員會經費補助，臺灣大學中國文學系、中央研究院歷史語言研究所、資訊科學研究所共同開發，由漢字古今字資料庫（包括甲骨文、金文、戰國文字、小篆、異體字表）及漢字古今音資料庫（包括上古音、中古音、近代音、官話、晉語、吳語、徽語、贛語、湘語、閩語、粵語、平話、客語、其他土話資料庫）組成

中文詞典

• 漢典，提供《康熙字典》同現代漢語字典解釋，入邊嘅漢字拆分查詢幾方便
• 現代漢語方言大詞典，收錄各地方言，可以比較下，有助搵粵語本字
• 古今文字集成，類似漢典，不過有啲詞條解釋清楚過漢典，另外仲有其他文字搜查，如西夏文同契丹文等

中文資料

• 國學大師網，大陸網站、簡體界面，聽個名以爲係山寨貨，不過入邊有好多原典可以下載，甚至有古壯語字典，確係出人意表
• 中國哲學書電子化計劃，收錄嘅古書雖然無「國學大師網」多，但勝在搜查功能齊全，比如可以輸入成書年限
• 搜韻-詩詞門戶網站 ，古詩語料
• 讀古詩詞網，好多篇章都有譯文、注釋同賞析

[Rehk]

你好有心

[恆智德]

@Rehk 最近整理粵語字執到唔少寶
上面好多網站之前都無留意，特別係「粵音資料集叢」

[恆智德]

10/15 補遺：羊羊粵語(原粵K粵愛)；Dictionary of Cantonese Slang； CantoDict
教育部異體字字典

[恆智德]

11/18 中文資料補遺
現代漢語方言大詞典
搜韻-詩詞門戶網站

[恆智德]

1/18 補充 泛粵大典，臺山話字典，粵語填詞，CC-Canto，讀古詩詞網，古今文字集成
執正列表，分成字典、詞典同其他資料