針對中共官員嘅襲擊未必可以有IRA嘅效果


  • Citi

    啱啱喺度睇蒙巴頓伯爵(Louis Mountbatten, 1st Earl Mountbatten of Burma)嘅故仔,諗到講下。

    佢俾IRA炸死。佢係家陣事頭婆老公個舅父。

    噉如果諗,香港或者中國嘅人,想去模仿IRA,得唔得呢?

    1. 首先你好難搵到中共高層嘅至親:golden-sosad:
      英國得幾千萬人,豆潤咁大,而且人哋d貴族係上流社會人士要socialise,經常出入公眾場合,私竇又多數係人都知。
      中國有十幾億人,咁撚大,d仆街又唔見得人收埋來養,又唔接觸平民:golden-sosad:

    2. 最嚴重嘅問題都唔係搵唔到人,而係襲擊佢冇撚用:golden-sosad:
      點解冇乜用?因為中共唔係一個固守中國嘅王朝,而係一堆土匪流氓輪住上位,個個博做嗰陣就撈油水,撈到就出國做自由世界公民,財富就代代相傳。
      殺柒佢一個,反而黨內敵對派系嘅人樂見其成:golden-sosad:
      就算唔樂見其成,200個中央委員,25個中央政治局,你殺得幾多?殺一家仲有幾百家紅色家庭。其他人心諗,佢唔好彩啫,我自己做好安全措施,請多幾個食蕉護住個doi1咪得。我一年貪一百億,攞百分一出來請食蕉,安全過美國總統都得啦。

    講到尾,結論係,中共純粹係一個因政治利益組成嘅共同體,殺某個官員或者親戚,效果唔似得外國人,人哋可以係民族上、文化上、血緣上嘅共同體。

    我早兩個月就想寫篇文嘅,講下點解第d論壇有d人提出d咩刺殺XXX嘅主張係唔可行。呢度簡單講下。
    點解唔可行?
    其實唔係唔可行,只係刺殺嘅成果有可能可以短到一個禮拜就湮滅。
    因為中共有一個都算相對行之有效嘅遞補機制。
    假設XXX突然死撚咗,會發生咩事?
    有幾班人都可以暫時頂檔維持運作:政治局常委(總額7人)、政治局(總額~25人)、入過常委又未死未懵懂嘅元老(~20人)、入過政治局又未死未懵懂嘅元老(~50人)……
    成件事有機會發生爭鬥內亂嘅時機,就只能夠維持到呢d人入邊有power同魄力嘅開聲決定為止。假設暴斃係Day 1,消息傳畀所有常委就係Day1/2嘅事,傳畀所有現任政治局同埋做過常委嘅元老就係Day2,畀盡Day3混亂一日,最遲應該Day4就已經d大佬叔父輩可以開會傾緊急方案,畀盡嘈兩日,Day6/7已經可以搞掂高層臨時人事變動,定個臨時共主,緊急狀態做住先。跟住一個月或者最多兩個月內,召開中央委員全體會議,選新話事人。再往後就成個體制繼續正常運作落去。呢度講嘅正常,就梗係唔排除有insurgency,但係唔會超出中共嘅應對能力。

    呢個劇本,我覺得萬一真係有天才做得成謀殺XXX,往後有70%可能性會噉發展。因為中共呢套制度,每個人嘅權力好有限,佢哋身在其中,指意佢哋發揮一d高難度政治運作,做到搞散個system嘅效果,係好難。佢哋個個都明,維護呢套system繼續run落去,自己就有著數,冇咗套system,自己一個人乜都唔係。好似薄熙來呢d梟雄,夠膽死plot超出常規嘅政治權謀,冇乜幾個。

    同樣道理,亦適用於任何民變、革命、大規模示威運動。霎時間打亂中共呢個system,維持混亂狀態嘅時間好短,一旦佢反應過來,動員起身,運動就好易失敗。想搞事嘅,我覺得首先應該考慮,唔係點樣煽動人跟你一齊搞事——因為中國人口咁撚多,再加上犬儒、貪生怕死、奴才咁撚多,洗腦、恐嚇同輿論管制又咁撚勁,基本上係冇乜可能煽動到中共無法撲滅嘅人數(我覺得起碼要一千萬)——而係點樣可以maximise混亂狀態同混亂時間:點樣將混亂擴散到更多地方、捲多d人入來,點樣將混亂持續、唔好俾佢停。我曾經寫過篇文講,如果俾我策劃城市大規模運動,我可能會揀九月一號開學,就係呢個道理,借一d本身就會出現嘅大規模人流,捲佢哋入去。我唔需要佢哋參與我嘅運動,我只需要佢哋造成混亂。示威抗爭常見嘅塞路,其實就係呢個道理,以最低成本捲最多人入來,唔俾你置身事外。譬如塞鐵路,一個人霸住條鐵軌/拉緊急掣,就可以癱瘓數以萬計嘅人嘅交通。


  • Citi

    啱啱Google「拉緊急掣」,見到舊年一篇新聞。
    呢位仁兄就勁抽啦,一己之力影響當日當地所有高鐵。
    :lomore-hoho:



  • 由中國近代史可見,中國人就算係同一黨都唔分派唔安樂,要引起混亂就要某派頭目死,打破個平衡,中共都係咁,例如團派/太子黨大佬


登入後回覆
 

相關主題

  • 20
  • 3
  • 6
  • 68
  • 2
  • 1
  • 14
  • 102
  • 2
  • 1
  • 1
  • 38
  • 2
  • 6
  • 27
  • 1
  • 24
  • 6
  • 8
  • 1