警世:香港人,唔好對廣東人有唔切實際嘅幻想


  • Citi

    呢排寫咗幾篇文,從廣東人角度講香港。聽聞呢個論壇好多亦唔係香港人。為免日後如果d文share出去大家睇到,令香港人誤會,我寫幾句話澄清下。

    呢個論壇暫時只係萬分之一都唔知有冇嘅hardcore粵人圍爐,呢度嘅觀點喺出邊可能係得千分一人share(已經幾樂觀)。

    如果要問真心支持香港嘅廣東人有幾多,我估計呢,千分一就可能唔止嘅,但係百分一我都冇把握,所以冇走雞㗎啦,係得百分之零點幾嘅廣東人真心、全心支持香港。如果估計母語粵語嘅人係五千萬,噉即係得幾萬人到十萬人左右。

    噉淨低嗰d咩料呢?(以下數字純屬鳩估,估中冇獎。)

    • 30%係不問世事,即係類似港豬。
      如果係都要逼佢哋歸邊呢,因為受嘅教育、輿論環境等因素影響,佢哋絕大多數都係會反對香港民主運動嘅。
    • 60+%同香港深藍/深紅冇分別

    香港人點解要搞亂香港吖,唔愛國吖。後生仔暴徒吖,收咗美國佬錢吖,受人唆擺俾人洗腦吖,人哋大律師d仔女去晒外國吖,推你d後生搵笨去死咋,做咗人哋隻棋咋。安居樂業唔好咩,點解要搞咁多嘢。共產黨你鬥唔過。我食鹽多過你食米。blahblahblah... you know the drill...

    • 1-5% 同情香港民主運動,爭取自由民主OK,但係港獨就唔得,暴力就唔得……(大中華情花毒未清嗰類)

    上述99%以外,淨低嗰極極極少數先會支持香港抗爭,無論點都支持,核爆都唔割 嗰隻。

    重申,以上數字純屬鳩估。

    而且,只適用於母語係粵語嘅廣東人,潮州人、客家人點睇我無法估計。

    關於廣東社會構成嘅分析,另外有一篇 https://pincong.rocks/article/14363 《廣東社會簡介》。


    噉如果香港人有廣東人friend嘅,或者喺海外撞到廣東人,想知對方政治立場,唔使怕醜㗎,借d意直接問啦。不過最好首先表明自己立場,直接或間接。譬如開個黃色經濟圈APP來試探,睇下佢係「咦乜你黃㗎 :golden-agree1: 」定係「咦乜你黃㗎 :golden-dead: 」。
    因為廣東人生長於共產黨治下,同情支持香港嗰班,通常對於政治極度敏感,驚俾人篤背脊。香港都有咁多藍屍,我點知你係藍定黃,會唔會出賣我吖。
    仲有,唔該撞到廣州東莞清遠韶關為界、界線以西嘅廣東人,無論藍定黃,唔好開口講撈話,唔該!好撚侮辱人!我識得幾個香港後生,第一次識都係,「咦,乜你識廣東話㗎?」

    不過如果你撞到唔識粵語或者粵語夾雜撈話嘅,就屌柒佢啦。:lomore-dllm:


  • Citi

    識幾個廣東人,但我又無諗過問佢哋黃定藍。。。。反而有位武漢人,主動同我講佢黃,仲要係金黃。


  • Citi

    我覺得我係嗰1%-5%🤲🏻不過港獨ok,就唔係
    幾支持私了冇武器嘅藍絲,點講都唔太好



  • 品蔥班統一膠成日開口埋口為左共同目標一定要放低成見結盟,我覺得用喺港粵聯盟好啱。唔講政治,粵語係我地要共同守護既根。香港需要兩廣既粵語人口維持語言生命,而兩廣都需要香港既自由環境同輸出能力保持粵語活力同向世界推廣。
    90至00年代既廣東人相對北佬思想開放好多,普遍唔鐘意講政治。我知道廣東都俾中共人口加語言雙重清洗緊,而家自身難保,但希望大家唔好放棄,救得一個得一個:golden-cry1:
    思想啟蒙,由光復粵語做起!:lomore-angry:



  • @RAM友 品蔥統一膠而家應該消失/被消失晒😂


  • Citi

    比起國家、政體嘅路線選擇,我更關心喺語言同族裔兩個層面推「Cantonese is not Chinese」(:lomore-clown: 講建國國界都有排嘈)。

    語言層面,簡單啲講就係令粵語被廣泛認同做一種獨立於中文嘅語言,就係都用漢字睇落好似有啲似(多咗一堆粵語字之後同中文白話文嚴格嚟講已經好唔同)。以後如果大中華膠用「廣東話都係中文」嚟搵着數,直接一句「日文用漢字係唔係中文吖,撻返去:lomore-aura: 」。

    族裔層面,就係根據祖籍地、血統,將廣府族群從華裔之中分離(廣府裔?)。再拉埋歷史上有移民傳統嘅族群,搞埋客家裔、閩南裔、潮汕裔等等。咁做最直觀嘅效果係東南亞整體脫支,比如星加坡嘅七成華裔就會分成唔同族裔。對中國嘅「母國情結」(如果有)就會變咗「喺中國手中光復故土」。基於上面嘅聯繫,再以制衡中國爲首要目標搞「環南支那海國家聯盟」。



  • @Rehk 冇留意啦,但每次見到臨時大總統bot就好撚燥:golden-fire1:



  • @親衛隊 長遠嚟講我贊成呢種策略,但而家兩廣粵語就嚟俾支共打死咁濟,首要任務係救返條命先:lomore-noodles:
    HKisnotChina 係面對國際既meme所以成功 make到noise,但要喺牆內光復粵語,微博we7一定走唔甩,冇得好似其他地區咁,為左避開牆內App而索性放棄爭取中国人支持。
    粵語要喺牆內生存只有一個辦法,就係向現實妥協,喺既有既制肘下盡做。反正牆內係咪支持我地已經冇乜所謂,只要唔係特別宣揚仇恨既都值得一試。


  • Citi

    @RAM友 無論語言或族裔,本質都係文化

    族裔來講實際上廣東人同北方人未必分得好清,族群特徵大致相似,不過DNA來講據説廣東人係漢越混雜,一半一半

    所謂族裔劃分,基於語言最快捷有效

    但係語言一定要有文化做載體先有生命力;粵語之所以今日仍然苟延殘喘,相對北方話以外其他嘅其他漢語言(如滬語、客家話等)一息尚存,好大原因就係7890年代香港娛樂文化產業興旺發達,向全世界輸出大量電影電視劇和歌曲,所以先保留到呢一點血脈落來



  • @恆智德 唉,只可以話盡人事聽天命。其實香港既情況都唔樂觀⋯⋯:lomore-dust:


  • Citi

    @RAM友 確實,香港都被北方話侵蝕得好嚴重,特別向網絡時代,大家更趨向於用通用語(詞匯)進行交流;另外,香港影視人才都紛紛北上撲水,甚少留向本土,後生一代又面臨日韓歐美流行文化衝擊



  • @恆智德 香港既強項就係文化輸出力,而家俾最強產業班友賣走哂,真係應左肥彭講既野:
    我感到憂慮的,不是香港的自主權會被北京剝奪,而是這項權利會一點一滴地斷送在香港某些人手裡。


  • Citi

    @RAM友 吳思遠係一個好典型代表
    祖籍中山,生於上海,61年隨家人移居香港,向香港電影行業打拼多年,自己做過編導,後來成立 思遠影業,發掘提携多位電影巨星(如成龍成名作《醉拳》《蛇形刁手》,徐克最初兩部電影《蝶變》《地獄無門》,周星馳成名作《賭聖》,均由思遠影業出品,吳思遠本人也參與編劇或監製)。

    1995年-2000年期間,吳思遠擔任香港電影金像獎主席,並曾擔任多屆香港電影工作者總會會長;2013年,獲頒香港電影金像獎終身成就獎。

    吳都算香港電影行業教父級別人物,屋企又係上海人,肯定見識過中共殘酷迫害;呢種人居然支持國安法,參與聯署 :lomore-wonder2:



  • @恆智德 其實唔出奇,佢地既年代講成王敗寇,邊個贏就效忠邊個,所以國民黨舊部好多都倒戈投共仲忠心耿耿,你諗下董建華咩出身。



  • @RAM友 同意,呢個年代嘅廢老基本上都係冇人格原則可言



  • @Rehk 因為有原則嗰班死哂:golden-sosad: 同埋佢地既思維仲停留喺19世紀既天朝世界觀,同今日既牆內人冇分別,一樣適應唔到新時代既世界秩序同邏輯。港台只可以等班老野老死慢慢清除瘀血,中国就算打爆共產黨公民教育都有排搞(假設順利步入民主)。



  • @RAM友 咁都有老而不廢嘅😂



  • @Rehk 有好多添,係比例問題啫,正如中国人都有嚮往民主、勇武既人。


登入後回覆
 

相關主題

  • 3
  • 9
  • 6
  • 5
  • 1
  • 5
  • 6
  • 15
  • 14
  • 10
  • 7
  • 1
  • 12
  • 1
  • 3
  • 15
  • 8
  • 17
  • 33