【集思廣益】作返個logo代表粵人嘅,好唔好?


  • Citi

    正話喺連登又見到月經問題

    不如就用上黃下黑旗啦
    分享自 LIHKG 討論區
    https://lih.kg/2029912

    噉香港人呢,就算唔中意,起碼都有排氣扇 🇭🇰

    廣東/廣州/粵人呢,似乎就冇一個logo/旗。
    最近十幾年網上流行嗰d呢,我覺得又好肉酸。

    不如大家夾份設計一個logo?


    旗/coat of arms呢味嘢呢,就鬼佬比較豐富。請睇睇英文維基百科記載。
    https://en.wikipedia.org/wiki/Heraldry

    不過現代呢,又唔一定要好複雜嘅。
    譬如愛爾蘭國徽就係一個豎琴

    烏克蘭就係把trident

    而我相當中意日本人嘅設計
    佢哋冇基督教傳統啦,但係有日本嘅「家紋」傳統,而d旗設計好多都係20世紀產物,我覺得係相當現代。
    https://zh.wikipedia.org/wiki/市町村旗


    以下列舉一d過去採用過嘅廣東/廣州嘅符號。
    不過廣東好似冇整過省徽,冇咩symbol。

    中華民國廣州市政府嘅市徽
    https://commons.wikimedia.org/wiki/File:Seal_of_Canton_City.jpg

    1989年市徽徵集活動揀出來嘅,但後來1998年後停用嘅,作者陳萬年。(資料據 https://zh.wikipedia.org/wiki/廣州市市徽)

    依家廣州市人民政府網站用緊嘅 以前仲有個綠色版

    嶺南大學嘅logo (嶺南大學應該係廣東第一間大學。私立嘅,教會大學來嘅。)

    https://www.ln.edu.hk/cht/about-lu/university-identity

    白雲山象徵人生最高理想;
    珠江象徵嶺南教育的傳承;
    荔枝樹果實纍纍,象徵嶺南人對實現「為神為國為嶺南」這使命的承擔;
    小徑代表嶺南人默默耕耘,邁向未來的道路;
    此一獨特的校徽描畫出校園的景色,校友不論身在何方,都感受到嶺南一家的親切情懷,而校徽又以紅與灰為校色,即“殷紅如血,深灰似鐵”,象徵忠義堅強。本此紅灰精神,嶺南人不斷前進,開發萬世鴻基。


    總嘅來講,我覺得最好係揀一種意象,聯繫起身,就好過條紋旗。好似德國意大利奧地利波蘭嗰堆條紋旗,唔係咁易認。

    木棉花算係最常用嘅意象。
    上邊廣州90年代嗰個徽呢,用咗羊同穗,源自廣州又叫羊城、穗城,都係同廣州嘅五羊傳說有關。

    除此之外呢,我覺得 醒獅 都可以係一個幾好嘅粵文化象徵。

    意象呢樣嘢,亦唔一定要現實嘢嘅。譬如以色列嘅大衛星,基督教國家常用嘅十字(蘇格蘭嘅saltire,北歐嘅北歐十字),日本某d旗,伊斯蘭國家嘅星月,印度嗰個轆,都係抽象幾何圖形。

    亦可以係現實生活嘅嘢,但係高度抽象變成幾何圖形,譬如上邊烏克蘭把叉,澳洲紐西蘭嘅南半球先睇到嘅星座。


  • Citi

    我就整過一個草案。

    藍色底 紅色木棉花
    加個藍色圈係因為如果花入邊淨色,好似有d單調,想喺花入邊加d嘢。畫花蕊有d蝦人。加個實心圓(藍色or其他色),意象似乎唔好(空心)。擺粒星亦唔好。所以我就求祈整咗個圓環。冇特定象徵意義。夾硬附會或者可以講係象徵「團結」嘅?
    木棉就梗係紅色嘎啦,所以揀咗ff0000紅。
    背景色揀咗000080 Navy Blue。
    藍色做背景色比較順眼 亦可以代表海洋 或者廣東革命先驅嘅延續 (陸皓東設計咗青天白日)
    所以顏色定咗紅藍。做圖就揀住最純嘅紅藍先。
    呢一稿嘅長闊比係3:2(600x400)。花闊度等於旗長1/3(200)。花係方嘅。居中擺。圓環闊度係10。圓環內嘅紅色圓直徑係75。

    木棉花唔係我畫嘅,而係千里達呢間酒店個logo改嘅。
    https://kapokhotel.com/


  • Citi

    我個人中意嘅設計原則係:圖案簡單,徒手畫到,噉先方便使用。
    譬如香港最近幾年嘅運動,黃絲帶、黃遮、黃雨衣都係幾好識認嘅標誌,幾筆就畫到出來。
    啫如果喺世界上任何地方,兩個人相見,一個公仔就可以認出對方會唔會係同路人。



  • @海印市民 紅配藍唔掂,木棉花我覺得rbc果個幾好,佢應該唔介意比我哋用👀


  • Citi

    另外有一點,為咗宣傳便利,不妨騎劫一d已經廣泛使用嘅標誌,或者日常生活好常用嘅標誌,逼到獨裁政府ban符號為止,到時就全部人都知某個符號代表粵。


  • Citi

    白底版本

    酒店logo截出來,淨色版本。



  • @海印市民 呢個形狀怪怪地,我覺得rbc果個幾好



  • @海印市民 為咗搵朵花又去咗品蔥,發現士杰終於比佢哋迫走☺


  • Citi

    木棉仲有另一種表達方式,即係側面圖,花向上開。
    我就唔係幾中意呢種,覺得唔好睇。旋轉對稱嘅圖形好睇d。

    譬如正文提及嘅廣州市人民政府網站logo。

    南方航空logo

    廣州一汽巴士



  • 0_1590164002928_65ae88eb-e089-4291-b685-0d73a63fbb86-image.png https://i.imgur.com/rz3cSqg.png

    可以減少中間嘅細節位


  • Citi


  • Citi

    連登呢個post嘅笑面idea我覺得幾好
    正正就係騎劫日常符號。
    而家連登輿論似乎已經傾向於採用黃黑旗。

    [屌拿星]枝黃黑旗你地鍾意有星定冇星
    分享自 LIHKG 討論區
    https://lih.kg/2030492

    :lomore-haha:


  • Citi

    頭先喺度諗點樣騎劫日常符號
    於是乎諗到不如用個Y字
    Y=Yuet
    諗到世界上有d國家國旗都係噉形,左邊一個三角,右邊條紋,譬如捷克、加泰羅尼亞。
    跟住我又睇咗下vexillology。
    https://en.wikipedia.org/wiki/Glossary_of_vexillology#Basic_patterns
    原來Y字紋叫pall。
    我就攞南非國旗過來改咗下。

    個Y字我覺得用黑色好,用紅色恐怕唔老禮(文化傳統,紅色寫名=判死刑),藍色綠色黃色橙色好似都唔多好。
    底色揀咗黃色,唔要紅旗所以唔可以係紅色,藍色又好似唔多好睇。
    攞mspaint填色嘅,求祈填咗隻黃。
    下邊仲有白底黑Y嘅樣板大家可以攞去自己試唔同顏色。

    Y字除咗可以係旗,仲可以係手勢,又可以係顏文字Y_Y :-Y……
    有本事就禁英文字母:lomore-hoho:




  • 十年前艙底貨,出自廣州美院朋友。利用獅子會修改嘅logo,本嚟想用喺大粵民國,但被啲大佬否決。

    alt text


  • Citi

    @Drdoom【集思廣益】作返個logo代表粵人嘅,好唔好? 裡說:

    十年前艙底貨,出自廣州美院朋友。利用獅子會修改嘅logo,本嚟想用喺大粵民國,但被啲大佬否決。

    alt text

    睇來睇去我覺得花蕊嘅表達好麻煩。
    見咗咁多畫花蕊出來嘅都有d薯。
    啫,花蕊設計通常都係一點laai3一條線,5塊花瓣就要5條花蕊,密zaa4zaa4,唔係幾好睇。

    你朋友呢個,花瓣都幾好睇,夠圓潤。
    我覺得圓潤d嘅花就好睇過瘦蜢蜢嘅。



  • 好似好多都係代表廣州多啲,朵實色木棉花好似填左色既洋紫荊:golden-sosad:
    唔熟粵西,唔知兩粵之間有冇咩共同集體回憶呢:lomore-think:


登入後回覆
 

相關主題

  • 2
  • 25
  • 20
  • 3
  • 4
  • 3
  • 21
  • 4
  • 14
  • 1