我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因


  • Citi

    事先講明,你當我打飛機啦。

    我感覺,芸芸中國人之中,廣東人算零舍中意「搞事」,或者換句話講,冇咁中意循規蹈矩,或者再換個講法,冇咁多觀念上嘅束縛。

    加上香港同中國政局(北方人主宰)嘅衝突,其實隱隱間同廣東同北佬嘅衝突係一個道理,都係地域上嘅排斥同唔信任。

    畀著當初割舟山……有d難想像上海佬/浙江佬點樣勇武抗爭。

    講到上海,諗起90年前淞滬抗戰,十九路軍冚唪冷廣東人……
    諗下民國嗰陣,粵軍桂軍都唔係太差,但係幾時有聽過蘇軍浙軍?

    所以我始終認為,廣東人中意埋自己堆,團結對外嘅性格,可以利用變成對抗大中華大一統思想嘅一種工具。



  • 清末民初時期,上海一帶嘅人係全中國最有錢/知識嘅上流階層,條命咁矜貴鬼同你搵命搏😅


  • Citi

    https://youtu.be/6ugrRZWg95k?t=3146


    上海阿伯有類似睇法,認爲江浙人惜命,唔似兩廣人搏命


  • Citi

    @恆智德 介紹下個主講人

    袁弓夷,香港美國電子工業實業家,在香港、美國創設9家企業,創辦香港國葉控股有限公司,歷任董事、執行董事、總裁、董事長,亦任香港雲工科技有限公司董事長。

    生於上海,1953年隨家人移居香港。祖籍浙江寧波鄞縣,是為宋望族西門袁氏直系之後,父袁勃為香港照相業大王,族伯袁希洛為孫中山就任中華民國大總統時的授印代表,族叔袁希濤曾為中華民國教育總長。

    子袁彌昌爲前新民黨政策總裁,女袁彌明為前港姐及人民力量前主席。

    真係大支嘢 :lomore-at:


  • Citi

    我覺得會唔會同自東晉衣冠南渡開始,江浙人就算係「核心中國人」有關?粵人除咗正常人都會去追求嘅民主、自由,仲多咗一種「民族主義」。

    而且睇返歷史,粵地發達靠嘅喺西方影響力東進(古代海上絲綢之路、近代租界、割地),而唔係當時個中國政權有幾勁:lomore-donno:


  • Citi

    @恆智德我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因 裡說:

    https://youtu.be/6ugrRZWg95k?t=3146


    上海阿伯有類似睇法,認爲江浙人惜命,唔似兩廣人搏命

    52:15開始先係戲肉
    前邊聽晒d美國嘢先聽到呢度:golden-sosad:
    早兩日喺連登我都睇到想聽嘅不過擰轉身閂咗個tab又唔記得

    歸納幾樣,幾認同。

    • 袁弓夷先生話,江浙人細膽;廣東湖南江西呢d打得,搞革命;北方人多親建制,少獨立嘅立場。
    • 另外袁彌明講起討厭、抗拒聽共產黨內幕。(同我上另一個論壇、睇youtube一樣,見到d人中意分析共產黨鬥爭、「宮廷聽床學」就冇興趣,因為唔關我事。「北方政治愛好者樂此不疲的支那政治,粵語人普遍不感興趣。在我眼中,支共高幹的故事和外國政治人物的故事沒啥分別,都和我關係不大。」):golden-sosad:
    • 袁彌明又講到,就算香港人唔中意去理呢d共產黨內幕,但係都要去理解中國人嘅思維,否則抗爭運動就好似爭減d嘢。
    • 袁老先生話,唔係共產黨,而係中國人幾千年嘅陰濕。

    我嘅睇法就係噉,相信各位好多都係噉諗,中共國嘅問題唔係齋係中共嘅問題,而係中國人嘅問題。而喺另外一個論壇,你可以睇到北方人好多都淨係諗住倒共就得嘎啦,民主中國就天下太平嘎啦。:golden-369:


  • Citi

    @親衛隊我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因 裡說:

    我覺得會唔會同自東晉衣冠南渡開始,江浙人就算係「核心中國人」有關?粵人除咗正常人都會去追求嘅民主、自由,仲多咗一種「民族主義」。

    而且睇返歷史,粵地發達靠嘅喺西方影響力東進(古代海上絲綢之路、近代租界、割地),而唔係當時個中國政權有幾勁:lomore-donno:

    吳越做題家 :golden-369: :golden-sosad: :golden-banghead:


  • Citi

    @海印市民 明明貼埋時間落條link度,點知重係從頭開始播
    @Admin 出來睇下?


  • Citi

    @海印市民 準確來講係中國文化嘅問題,打到一個獨裁政權又到第二個上,秦以後周而復始


  • Admin

    @恆智德 睇咗下plugin自帶嘅youtube regEx,冇咁醒目認到&t


  • Citi

    @恆智德我一路有個觀點 如果英國佬當初割舟山 噉今日就算一模一樣係一國兩制 都應該安樂得多 香港係秉承粵人搞搞震基因 裡說:

    @海印市民 準確來講係中國文化嘅問題,打到一個獨裁政權又到第二個上,秦以後周而復始

    冇錯。我啱啱想寫幾句說話講。
    一切要追溯到商鞅呢個冚家鏟。

    吳、越喺春秋戰國時期幾惡死,可以打柒楚國。
    楚國都唔差。
    佢哋都唔係中原人,唔係華夏族來,而係所謂蠻族來。

    最衰都係中原文化,真係毒瘤來。
    由商鞅開始搞嘅秦政,法家呢d思想,韓非子、李斯都係呢一路。
    二千幾年以來就係噉不斷屠宰周邊地區擴張,蠶食當地文化,成個社會就腐爛變成儒家中華文化。
    講句唔好聽,如果唔係西方文藝復興+航海大時代+工業革命發展得快,東亞演化多一千年,分分鐘韓國越南日本都變埋中國。

    江浙點解會變成今日噉嘅細膽、親建制、事事迎合秦制、唔夠獨立嘅思想呢?明明二千幾年前嘅人,吳越爭霸嗰陣,一路到三國嘅東吳,呢段時間都係幾勇猛。諗來諗去,我覺得原因就係一來中原移民,二來接受咗中原文化。

    睇返今時今日嘅浙江,向全世界去做生意嘅,係窮山惡水嘅浙南溫州人。浙北杭州、嘉興、湖州呢班人,係似江蘇多d。如果撇除呢班人,浙江人其實應該同福建人更相似。中國東南沿海嘅廣東福建浙江都係,中意同外國貿易賺錢,就勝過讀書科舉出仕。唔係今日嘅事,而係應該唐宋開始已經係噉。浙江可以同日本貿易。福建廣東同東南亞、印度、阿拉伯貿易。

    講咁多,講下對於中國政治,我覺得應該採取咩態度。
    我哋嘅理想係自治,人哋唔好干涉我哋,我哋亦唔去干涉人哋。
    但係現實上,我哋必須去干預北方政治。我哋去干預,唔係去統治佢哋,而係要拉一派打一派,以華制華
    我有一個幾耐下嘅睇法,就係我睇咗宋亡於蒙古、明亡於清、國共內戰國民黨輸嘅歷史,諗到嘅。
    就係南方各地唔去干預北方,一旦北方d冚家鏟整合成一班人(而且係好容易),就滾雪球噉落來,南方冇一忽可以自己頂住成個華北嘅軍事力量。

    • 宋朝係噉。北宋本來好地地,因為北方有遼同金互相掣肘。同金人夾份滅咗遼,就整死自己,喪失淮河以南。蒙古、金、西夏互相制約就好地地,西夏俾蒙古滅,再滅埋金,南宋就卒之頂唔住北方。
    • 明朝又係噉。入關之前大戰幾十年。1644年清兵入關。知唔知揚州十日幾時發生?係1645年,即係入關一年之後,清兵就已經打到長江。屌那媽長江以北d冚家鏟係完全冇抵抗能力嘅。一年時間由山海關打到長江。
      廣東當年係點呢?1649年清兵先攻廣州(即係廣東以北長江以南都抵抗咗4年),清兵圍廣州十個月先破城。十個月吖!1650年廣州城破,但係廣東等地抵抗未停個喎。南明最終滅亡係1662年,永曆帝死於雲南。離清兵入關過咗18年。北方最早投降嗰d,仔都大啦。
    • 國共內戰又係噉。南方各省除咗江西蘇區、海南島多共產黨游擊隊,應該冇邊個省係中意共產黨嘅。之但係1946至1948年喺長江以北嘅地方激戰,到1948年底遼瀋戰役開始,國民黨就骨牌噉冧。幾個月後徐蚌會戰(淮海戰役)、平津戰役。1949年4月底共軍過長江,23號佔領南京,5月22號佔領南昌,26號佔領上海。華北一失守,長江以南嘅就冇辦法打,唯有投降。

    鑊鑊長江以北都係席捲,跟住就變身侵略部隊打落來。
    滅南宋嘅元將係漢人,滅南明嘅清將亦係漢人,滅國民政府嘅蘇俄契仔咪又係漢人。


  • Citi

    其實睇返成段中國歷史,似乎江浙人最中意作反

    劉邦同項羽都係江蘇人,一個徐州,一個宿遷

    孫權係浙江人

    宋江方臘都向江淮作亂

    元末泰州張士誠據高郵,安徽朱元璋據南京,手下盡是江浙名士

    晚清有光復會,主要由江浙人組成,包括秋瑾、徐錫麟、蔡元培、章太炎、陶成章

    兩廣似乎要到近代先有人起事,從洪秀全開始,到康梁,再到孫文



  • @恆智德 江浙人最中意作反 江浙有錢、非權力核心,作反要錢,分享唔到權力想作反


  • Citi

    @Rekh 請問上邊列出來邊個符合你所講?逐個分析下?


  • Citi

    粵語區本來就應該自立成為一個國家, period.


  • Citi

    @Rekh 就算真係如你所講,分享唔到權力想作反,伊個咪正正係作反嘅本義?
    唔順就反檯,重要博埋老命,唔知重有邊個地區嘅人好似江浙地區作反咁頻密?



  • @恆智德 江南經濟在秦漢以及六朝時期取得很大發展,此後在全國經濟中擔當越來越重要的角色,至中唐時,經濟重心由中原南移,到了北宋中期,江南經濟已經成為全國經濟最重要的核心地位。江南地區雨量充沛,氣候較熱,土地肥沃,具有發展農業的優越條件。



  • @恆智德 劉邦同項羽唔清楚,孫權就肯定係因為江東富裕而積累到本錢



  • @恆智德 同意「分享唔到權力想作反,正正係作反嘅本義」,江浙勢力由三國東吳之後就一直分享唔到政治權力,相反中原、北方勢力一直掌握。
    「唔順就反檯,重要博埋老命,唔知重有邊個地區嘅人好似江浙地區作反咁頻密?」事實上係因為其他地區冇江浙勢力咁大嘅本錢,江浙勢力雖然冇政治權力,但掌握全國經濟命脈,非常有錢,有錢之後先可以招兵買馬,抗衡中央,如晚清革命成功前,東南各省督撫已有脫離清庭割據自治現象。



  • @恆智德 你都識講「兩廣似乎要到近代先有人起事」,正正係因為兩廣係海上貿易興起後先有錢,而江浙就好早之前已經有錢。


  • Citi

    @Rekh 所以問題個根本唔在於比較江浙同粵邊個有反叛基因,而係探討點解江浙人民國之後失去抗爭意志

    當年中共打到來,上海班資本家一係走路,一係三反五反被迫跳樓
    不過當時國民黨全黨走路,連杜月笙都走埋,抗日嗰陣都全靠外國庇佑先幸免於難,中共又搞計劃經濟,本身都無籌碼同人捻


  • Citi

    @Rekh 用錢恐怕分析唔到兩廣幾次起事:太平天國喺廣西成立,當時廣西係赤貧之地,遍地流寇;康梁唔知幕後有乜人撐;至於孫文,基本上從華僑籌款,當時革命黨係非主流,中國好少人支持



  • @恆智德 睇番中國歷代起義/革命,你會發現大致有三種:1.「活不下去」起義(如陳勝吳廣揭竿起義、皇朝末年民不聊生之民變)2. 「流氓」起義(由不務正業者領導,如劉邦、李自成、洪秀全)3.「貴族豪強」起義(由有勢力者領導,如周文王、項羽、李淵)

    而大家都知,多數成功嘅例子都係2同3。



  • @恆智德 所以某程度上孫文係屬於「不務正業者」😂



  • @恆智德 而「江浙同粵邊個有反叛基因」我覺得所謂「反叛基因」係偽命題,有冇條件搞起義/革命先係重點。

    而「探討點解江浙人民國之後失去抗爭意志」方面,你都識講「當時國民黨全黨走路,連杜月笙都走埋」,江浙得番班唔敢搞起義/革命嘅有錢佬同知識分子,冇出現任何一個「不務正業者」「有勢力者」去做領導,而「活不下去者」一係投靠中共一係被輕易剿滅。


登入後回覆
 

相關主題

  • 1
  • 5
  • 9
  • 12
  • 1
  • 15
  • 2
  • 33
  • 14
  • 6