係廣東人,係為廣東著想嘅,就應該支持香港民主運動,支持香港獨立!點解噉講?


  • Citi

    首先答,點解廣東應該支持香港。

    1 歷史同經濟方面
    廣東幾百年來都係食外貿呢條水。舊時廣東工商業發達,領先中國。但係共產黨一來,充公粵人財富,禁絕自由貿易,廣東卒之衰敗。
    好彩香港喺英國人治下,經濟繁榮。喺廣東最艱難嗰陣,好多香港人返鄉下探親,都會帶好多嘢畀親戚,實在係雪中送炭。
    1980年代共產黨搞改革開放以來,亦係香港人帶挈,喺廣東投資、開廠、消費,帶旺經濟,所以廣東能夠勝過江浙。
    冇咗香港,毛澤東暴虐統治之下嘅廣東,都唔知仲會衰多幾錢重。冇咗香港,飽受北佬歧視嘅廣東,喺改革開放之後有冇咁易贏過北佬呢?
    所以香港好,廣東先會好,廣東要支持香港!

    2 文化方面
    廣東同香港同聲同氣。而且共產黨治下,扼殺廣東文化。但係香港保存咗粵語文化,得益於英國人統治,自由發展,將粵語音樂、電影、電視發揚光大。
    冇咗香港,粵語仲邊有埞企?冇咗香港,粵人文化就要俾撈頭摧毀晒,連根都要俾人鋤清㗎啦!
    所以香港好,粵語、粵文化先有希望,廣東要支持香港!

    再來答,點解香港要有自由民主先會好。

    睇返香港歷史,香港嘅成功在於乜嘢?明事理嘅人就睇得出,呢個城市唔係好似d阿拉伯油王噉靠天然資源,唔係好似星加坡噉騎住國際水路,而係靠 自由貿易,先可以商業繁榮,成為全世界嘅金融中心之一。
    噉你話,係自由民主開放嘅制度,定係學似共產黨噉獨裁貪腐污糟邋遢嘅制度,會帶來自由貿易,商業繁榮呢?
    所以廣東要支持香港民主運動!

    但係共產黨咁野蠻,咁霸道,又點會畀香港自由呢?香港人要爭取自由民主,挑戰共產黨、撈頭嘅統治,做緊廣東人未夠膽做嘅嘢,頭破血流,家破人亡。佢哋選擇獨立,徹底揈甩共產黨、撈頭嘅統治,係咪理所當然呢?我哋粵人受撈頭壓迫更甚,梗係幾大都要支持香港人對抗共產黨、對抗撈頭啦!所以廣東要支持香港獨立!

    一句講晒:

    廣東支持香港!


  • Citi

    呢篇投畀X登嘅徵文活動,恭請各位斧正。


登入後回覆
 

相關主題

  • 21
  • 13
  • 14
  • 25
  • 1
  • 4
  • 20
  • 3
  • 2
  • 3
  • 1
  • 4