支持粵獨嘅十條理由


  • Citi

    作咗十條,拋磚引玉,作為宣揚粵人自治嘅檄文又好口號又好乜都好啦。恭請大家睇下可以點改善。

    可以因應觀眾嘅接受程度同觀眾嘅身份(如果佢係潮州/客家/外省),將「粵獨」換成「粵人治粵/粵人自治/廣東自治/廣東獨立」,將內文字詞相應更換,氹人睇,氹人贊成。


    支持粵獨嘅十條理由

    1 粵人年年交大把稅,輸血畀全中國,造成本省發展落後,珠三角大城市以外地區跟唔上,絕對不公,豈有此理!

    2 粵地工商業依賴外貿,粵人鍾意同全世界做生意,歡迎外資。但係中國政府亂咁來,造成營商環境十分之惡劣。粵人應該自定本地國際貿易政策,咁先有益粵人,促進經濟!

    3 中國關稅過高,令外國入口貨物貴到飛起,粵人被迫捱又貴又差嘅國產嘢,譬如牛奶、豬牛肉、汽車、石油。粵人應該自定關稅,咁先有益粵人,改善生活!

    4 粵人包容開放,唔排斥全世界各個國家多姿多彩嘅文化,但係中國起圍牆封鎖網絡。粵人應該獨立,拒絕閉關鎖國!

    5 粵人歷史、文化、風俗都同北方零舍唔同。但係中國打壓粵語,冇寫書嘅自由,冇拍戲嘅自由。粵人理應獨立,發揚自己嘅文化!

    6 全世界都係自己人管自己地頭,但粵政府俾撈頭把持,憑乜唔可以粵人治粵!

    7 粵人愛自由,愛民主,唔愛專制。中國啱好掉轉來。粵人理應獨立!

    8 全世界國家都係全國人參與管治,但係中國政府幾時有粵人話事?既然中國冇粵人份,粵人獨立理所當然!

    9 中國倒行逆施,壓迫全國各地人權,又同世界各國交惡。中國政府冇粵人份,粵人拒絕承擔中國人結嘅惡果,粵人理應獨立!

    10 粵地人口超過一億,工商業發展領先中國。喺世界上,日本人口一億,德國九千萬,英國法國六千幾萬,加拿大得四千萬,都係世界大國,都係G8之一。粵人喺世界上理應有一席之地,有自己一把聲!


登入後回覆
 

相關主題