• Citi

    《搵嘢做》,同樣出自專輯《念奴嬌》,以有錢佬奮鬥史勸喻後生勤力上進、白手興家
    https://www.youtube.com/watch?v=j0flMZoT_HA (推薦使用保護私隱嘅Invidious

    作詞:黎彼得 許冠傑 作曲:許冠傑

    從前有個人叫莫大毛
    日日攤垧屋企等米路
    神神化化作風虛無
    又唔願剃鬚 (仲成日去賭)

    窮途意冷走去問前途
    但願仙家指點三兩道
    如何有法變得富豪
    望黃大仙能預告 (呢枝簽話呢)

    *嗱嗱聲即刻走去搵嘢做
    人必須知道自己嘅用途
    唔去奮鬥 你咪望有酬勞 (NO NO NO NO)
    想搵錢應該快手 COME ON LET'S GO

    著著聲即刻走去搵嘢做
    人必須旨意自己創路途
    快去奮鬥 你實會攀得高
    你要坐BENZ靠自己個腦*

    連隨悔覺好個莫大毛
    立業興家終於走正路
    榮華富貴靠刻苦耐勞
    漸漸年事已高 (成就更高)

    同時見個仔阿莫二毛
    日日攤垧屋企等米路
    連隨秤佢起身搏命熬
    話黃大仙曾預告

    REPEAT **

  • Citi @恆智德

    @恆智德 莫大毛諧音博大霧,即係渾水摸魚

    現實世界真係有人改名做阿毛,比如林鄭個老竇就叫鄭阿毛lomo-brainlomo-brain
    alt text

  • Citi

    繼續係來自《念奴嬌》嘅歌曲——《先敬羅衣後敬人》
    踏入八十年代,香港向商業社會過渡,人人都開始注重形象,先敬羅衣後敬人嘅白鴿眼都多起身

    https://www.youtube.com/watch?v=2aeRh4Tk1UU (推薦使用保護私隱嘅Invidious

    作詞:黎彼得 許冠傑 作曲:許冠傑

    *寧願少喫餐 時裝錢咪慳 就算水幹幾大要撐
    如果識著衫 泥鯭充正斑 做嘢亨通包冇話難*

    人人無論富或貧 都要曉得裝下身
    只要著得好款 開聲屋都震 有冇現款冇人問

    皮鞋明亮冇滴塵 記住領呔花要新
    君見否尖沙咀通街光棍 皆因先敬羅衣後敬人

    啦啦啦啦.................
    啦啦啦啦.................

    寧願少喫餐 時裝錢咪慳 就算水幹幾大要撐
    名廠 PIERRE CARDIN 來佬出產 任我點揀都冇話煩

    人人無論懶或勤 都要曉得裝下身
    睇你衣冠不整 差佬都掹警棍 當你係賊要盤問

    注重洋服嘅流行 記住買褸皮要真
    希爾頓摩囉差都講聲 WELCOME 皆因先敬羅衣後敬人

    REPEAT **

  • Citi @恆智德

    @恆智德 解釋下啲俗語同MV:

    • 泥鯭充正斑,即係https://zh.wikipedia.org/zh-hk/褐蓝子鱼 (推薦使用保護私隱嘅Wikiless

    • 來佬貨,即係進口貨

    • MV中第一個受訪市民講牛記笠記,即係牛仔褲同笠衫

    • 而MV中出場嘅名人伉儷,係https://zh.wikipedia.org/zh-hk/周啟邦 (推薦使用保護私隱嘅Wikiless,兩條友都出身名門望族,每次去ball嘅衫都要精心設計

      縱橫派對場四十年的周啓邦伉儷,每次出席派對必定是最搶鏡、最矚目的一對,他們為配合派對主題,均打扮得天衣無縫,其獨特的衣著打扮,全部度身訂造,或經他們悉心修改,過百套的情侶裝令人贊嘆不絕
      
      周啓邦早年和太太開辦律師樓,後來根本不用工作,專心享受生活,主要工作是花心思找裁縫為兩夫婦定做情侶裝、找寶石特製情侶首飾。兩夫婦無論衣著飾物,都刻意襯到絕,閒來會計畫一個豪華郵輪之旅來享受人生,因要扮靚之故,每次上郵輪的行李,動輒6、7箱。
      
  • Admin @恆智德

    @恆智德 因爲用iframe等於睇個page嘅同時睇埋embed嘅網站(中間唔經過xsden)。

    Tor browser係每開一個page轉一次ip,理論上係所有embed嘅video server都會喺接近時間內睇到嚟自從一個地方嘅traffic。(如果有三個youtube、兩個bili,就等於你喺一個普通browser入面開咗5個tab睇)。

    其次係從用戶習慣(以及XsDen嘅理念)嘅角度,原則上唔支持大家用有審查嘅網站(👻 你embed係直接送click rates)


  • 我認為呢篇貼文非常之好,pin起3日:golden-good:

  • @惠福路人

    @姬嘉鐸我老婆 在 許冠傑經典喻世歌及MV 裡說:

    我認為呢篇貼文非常之好,pin起3日:golden-good:

    以資鼓勵

  • Citi @惠福路人

    @姬嘉鐸我老婆 多謝賞識 :golden-agree1: :golden-agree1:

  • Citi @恆智德

    原來呢個MV唔係最早嘅版本,下面呢個先係:
    https://www.youtube.com/watch?v=DKQIooHMGHQ (推薦使用保護私隱嘅Invidious

  • Citi

    《發噏風》,同樣出自專輯《念奴嬌》,針對嗰啲口水花噴噴,吹水唔抹嘴嘅鳩噏佬,奉勸佢哋唔好成日認叻逞英雄、自尋煩惱
    https://www.youtube.com/watch?v=-UdZbJZdk6w (推薦使用保護私隱嘅Invidious

    曲:許冠傑
    詞:黎彼得 許冠傑

    時時為要面亂發噏風
    明明係老鄉走去死充
    谷到盡 慢下手叻過龍

    時時為要威亂發噏風
    明明係冇料亂爆一通
    保下重 講多盞你肉痛

    時時咁囉唆
    口多多 口疏疏 會有錯
    講得多衰得多冇曬貨
    人哋聽你就傻

    時時阿之阿左
    噏得多 好好哋會變渦
    懶專科 口水多 冇放過
    人哋睬你就傻

    人人為領功亂發噏風
    求其亂咁車西變咗東
    郁下仲 亂咁逞英雄

    逢人係有料少發噏風
    何妨讓你威擔正先鋒
    一有事 走先梗聽射中

  • Citi

    下面兩首歌出自81年專輯《摩登保鏢》,都係同名電影插曲

    呢張專輯之後,許冠傑同黎彼得就再無合作寫詞;82年專輯《難忘您‧紙船》入邊嘅歌詞都係分開署名,也是佢哋合作嘅最後一張專輯

    《扮嘢》,諷刺嗰啲整蠱做怪、扮鬼扮馬、認屎認屁嘅人
    https://www.youtube.com/watch?v=M8fYySXdvjE (推薦使用保護私隱嘅Invidious

    作詞:黎彼得 許冠傑 作曲:許冠傑

    (佢最扮嘢 佢最扮嘢)
    (佢最扮嘢 佢最扮嘢)
    (yeah yeah yeah)
    (yeah yeah yeah yeah)

    我時時扮嘢 言談扮相妖冶
    逢人就嗲 行為十足小姐
    動作多扭擰 行路腰似蛇
    雙眼又斜 帽又戴丿

    時時扮嘢(佢最扮嘢) 完全扂過碌蔗
    頻頻換車(佢最扮嘢) 其實係指單車
    做廁所洗地 成日充少爺
    人人窒我我照扮嘢

    我老竇查實姓謝(謝 謝 謝 謝 謝)
    改咗佢話姓小野(yeah yeah yeah yeah yeah)
    出街我仲夠Le he (Le he)
    冇雨落成日帶遮 (遮 遮 遮 遮 遮)
    yeah yeah yeah yeah

    時時扮嘢 無聊又好演嘢
    求其亂車 俄文日文識寫
    仲要懶醒目 凡事都要Fe
    敦正大蛇 重招待記者

    時時扮嘢 (佢最扮嘢) 何妨扮到本跛(pe5)
    逢人就賒(佢最扮嘢) 唔掂就搵姑姐
    話阿三叔病 尋日死阿爺
    連隨掂曬我靠扮嘢
    (佢最扮嘢 佢最扮嘢 佢最扮嘢)
    (yeah yeah yeah)
    (yeah yeah yeah yeah)

    我老竇查實姓謝(謝 謝 謝 謝 謝)
    改左佢話姓小野(yeah yeah yeah yeah yeah)
    出街我仲夠Le he (Le he)
    冇雨落成日帶遮 (遮 遮 遮 遮 遮)
    yeah yeah yeah yeah
    我時時扮嘢 言談扮相妖冶
    逢人就嗲 行為十足小姐
    動作多扭擰 行路腰似蛇
    雙眼又斜 帽又戴Me

    時時扮嘢(佢最扮嘢) 完全扂過碌蔗
    頻頻換車(佢最扮嘢) 其實係指單車
    做廁所洗地 成日充少爺
    人人窒我我照扮嘢
    (佢最扮嘢 佢最扮嘢 佢最扮嘢)
    (yeah yeah yeah)
    (yeah yeah yeah yeah)

    《人辦》,刻畫嗰啲好食懶飛、孤寒度縮、煽風點火、唯恐天下不亂嘅人
    https://www.youtube.com/watch?v=Dt3hJOvoGjs (推薦使用保護私隱嘅Invidious

    詞:黎彼得 許冠傑 曲:許冠傑

    * 佢為人無聊返工等放工
    時時蛇王㤢啲詐胃痛
    隨時頭暈傷風腳話凍
    放假畀佢即刻通街𫋐【虫貢】
    求人同情花款幾百種
    時時同人搲水當贈送
    每次到佢出錢嗌肉痛
    送嘢畀個GIRLFRIEND出手重 *1

    * 佢成條搞風搞雨倔尾籠
    隨時等炒攞慣大信封
    頻頻有意製造人內鬨
    佢望人罷嗮工
    同人嘈把聲響過喇叭筒
    一打交「啜」聲屈尾十嗌松
    走精便卸嗮膊累埋大眾
    專門搞搞𫋐【虫貢】* 2

    佢時時同人打牌專搏懵
    明明人求「卡窿」佢話碰
    詐詐諦諦偷睇四面哄
    佢最鍾意週身㤢㤢𫋐【虫貢】
    平時逢人請飲梗肚空
    同台人人乾杯佢食餸
    次次同人猜枚冇話中
    到尾梗要打包幾斤重

    REPEAT **2

    REPEAT **1

  • Citi @恆智德

    @恆智德 「人辦」一詞實在奇怪,按意思應該寫成人板(如樣板)
    唔通想對應「手辦」?

    另一方面,又確實有人使用「樣辦車」一詞

    漢典解釋,個辦字一直作動詞用,唔知從幾時開始有人將佢作名詞用

    如果話係民間誤用或俗字,同樣講唔通:明明個板字簡單好多,點會舍易取難?lomo-wonder2

  • Citi @恆智德

    @恆智德許冠傑經典喻世歌及MV 裡說:

    《人辦》

    劉德華都翻唱過呢首歌
    https://www.youtube.com/watch?v=CWmXkusChf4 (推薦使用保護私隱嘅Invidious

  • Citi

    《木屋區》,出自83年專輯《新的開始》;呢張專輯係阿Sam過檔康藝成音之後嘅第一張作品,難怪叫《新的開始》

    歌曲講述一個喺木屋區長大嘅細路,出世時父親便抛棄一家七口遠去,細個無讀h書,大個又群埋壞人,卒之喺某次揸槍打劫銀行時被警察擊斃;與此同時,木屋區中又有蘇蝦出世,預示另一個輪回嘅開始。

    https://www.youtube.com/watch?v=q08AKx5M_jc (推薦使用保護私隱嘅Invidious

    詞:許冠傑 曲:Mac Davis
    滿天風雨 貧窮木屋區 某一角裏
    家中有個蘇蝦仔剛剛已誕生
    母親不興奮 孩兒父親已 棄妻遠去
    家中已七口多了他怎會夠分

    學校教育哪會有 哪個去教他 怎去做人
    怎可使他 守己安分
    物慾滿是引誘 如何避免識錯了壞人
    即使天天也教訓 始終都擔心

    迅速光陰過 從前木屋區 個蘇蝦仔
    一轉眼已變大人他不聽母親
    唔願做窮人 群埋大檔裏 那班賭鬼
    一朝到晚四處胡混酒氣滿身

    到了有次老友教他去揸槍打劫銀行
    警鐘一響 警察已到 一息間 槍戰發生
    母親像淚人 人群望向那 破衣老婦
    手緊抱他的屍體他鮮血滿身

    這一刻出殯 同時木屋區某一角裏
    家中有個蘇蝦仔 他宣佈誕生

  • Citi @恆智德

    @恆智德 呢首歌其實係改編咗貓王1969演唱嘅In the Ghetto,由Mac Davis填詞作曲

    從歌詞可見,阿Sam首《木屋區》可以講係貓王原曲嘅粵語版(literally :golden-agree1: ),兩首歌都講述一個相似嘅故事,結尾同樣預示新嘅輪回。

    不過如果仔細比較兩首歌詞,仍可發現《木屋區》有更多細節描寫,而且探討了悲劇發生嘅原因:學校無關心同教育貧苦學生,社會物欲橫流,木屋區又有賭檔成爲犯罪溫床。阿Sam當年從廣州落來香港之後住響鑽石山寮屋區,相信對類似故事都有所耳聞,感受至深。

    https://www.youtube.com/watch?v=FJ-r0bilzhU (推薦使用保護私隱嘅Invidious

    As the snow flies
    On a cold and gray Chicago mornin'
    A poor little baby child is born
    In the ghetto (in the ghetto)

    And his mama cries
    'Cause if there's one thing that she don't need
    It's another hungry mouth to feed
    In the ghetto (in the ghetto)

    People, don't you understand
    The child needs a helping hand
    Or he'll grow to be an angry young man some day?
    Take a look at you and me
    Are we too blind to see
    Do we simply turn our heads, and look the other way?

    Well, the world turns
    And a hungry little boy with a runny nose
    Plays in the street as the cold wind blows
    In the ghetto (in the ghetto)

    And his hunger burns
    So he starts to roam the streets at night
    And he learns how to steal, and he learns how to fight
    In the ghetto (in the ghetto)

    Then one night in desperation
    A young man breaks away
    He buys a gun, steals a car
    Tries to run, but he don't get far
    And his mama cries

    As a crowd gathers 'round an angry young man
    Face down on the street with a gun in his hand
    In the ghetto (in the ghetto)

    And as her young man dies
    On a cold and gray Chicago mornin'
    Another little baby child is born
    In the ghetto (in the ghetto)

    And his mama cries (in the ghetto)
    (In the ghetto)
    (Aah-aah)

  • Citi

    《日本娃娃》,出自85年專輯《最緊要好玩》。Sam再次過主去新藝寶,呢隻碟就係佢到新藝寶之後第一張作品。

    歌曲講述一個香港仔喺商場偶遇日本少女,寒暄一番後去唱K散步再直落食宵夜,難免遐想結婚之後嘅如意生活;點知同女仔返到佢屋企,卻慘遭佢老豆棒打鴛鴦,唯有依依惜別,重蝕埋份糧。

    https://www.youtube.com/watch?v=ErGjJ-SjBQ4 (推薦使用保護私隱嘅Invidious

    詞曲:許冠傑

    尋晚垧東急碰正個日本娃娃
    對眼特別大 仲有尖尖嘅下爬
    有啲像中森明菜唔係講假
    趣怪又特別 直頭日本化

    求愛敢死隊我屬御三家
    最注重浪漫又夠風騷夠肉麻
    戴起副紫色太陽鏡人就瀟灑
    百五磅魅力實行大轟炸
    Hello kon ban wan 小姐你好嗎
    Wata shiwa hongkong no mach desu
    Anata wa totemo kawai
    實行用咖文跟佢freind下

    同佢去happy跳上架toyota
    去晚飯直落共舞於Casablanca
    趁高興飛身上台唱Careless Whispers
    再散步月下連隨幻想下
    娶咗娃娃即刻就變晒身價
    洗衫煲湯抌骨撚背脊遞茶
    1997哈嗰陣冇有使怕
    實行住原宿開間sushi bar

    同佢去宵夜我叫tempura
    佢叫拉拉雜雜剌身鬼咁豪華
    嗌找數三千零八成份身家
    佢笑住仲話arigato gozai mashita

    陪佢返lobby企正個日本爸爸
    佢眼倔倔大喝聲nan desu ka
    阿女佢今年唔夠十六and a half
    佢劍道十段話同我練下

    * Sayonara 忍著淚說goodbye啦
    Thanks thanks thanks thanks monica
    摸摸個袋哎使剩八個幾咋
    蝕埋份糧添呢次衰咗啦*
    REPEAT **

  • Citi @恆智德

    @恆智德 詞評人黃志華認爲呢首歌用挂聖誕樹嘅手法體現出80年代日本文化對香港嘅重大影響,歌詞中幾乎每一句都有日本元素(日本流行文化早在70年代就開始影響香港,比如1970年經典日劇《青春火花》就係中坑集體回憶

    下面揀幾點講下,其他詳見此文

    1. 歌者邂逅「日本娃娃」的地點「東急」,是一間日本百貨公司,位於尖沙咀新世界中心。1998年,「東急」因租金不斷上升,宣布撤出香港。
    2. 歌者自我介紹係香港嘅Macchi,其實就係話自己係香港嘅近藤真彥。近藤真彥當年https://zh.wikipedia.org/zh-hk/近藤真彦 (推薦使用保護私隱嘅Wikiless
    3. 當年中森明菜同近藤真彥拍過拖,甚至喺佢屋企割脈自殺;Sam將此對戀人寫入歌中,係咪已經暗示歌入邊對拖友會不了了之?
    4. 「御三家」 是指是日本德川時代具有將軍繼承權的三個主要藩屬。後來,在日語中最著名的三者均可套用這個稱號。
    5. Careless Whispers係講悔不當初,同樣預示戀情無好結果?lomo-brain
      https://www.youtube.com/watch?v=izGwDsrQ1eQ (推薦使用保護私隱嘅Invidious
  • Citi

    原來阿Sam MV入邊經常出現嘅https://zh.wikipedia.org/wiki/陳立品 (推薦使用保護私隱嘅Wikiless
    https://www.youtube.com/watch?v=N9N-d9K4mW0 (推薦使用保護私隱嘅Invidious


    呢度重有佢出演過嘅部分電影

  • Citi @恆智德

    @恆智德 1974年曾主演單元劇《獅子山下》其中一齣《祖母的祈求》,講船民居住困難
    https://www.youtube.com/watch?v=2DHgJNMdosQ (推薦使用保護私隱嘅Invidious


    同臺出演重有曾江,當年40歲

  • Citi @恆智德

    @恆智德 入邊曾江阿爸稱呼個舊街坊做撈鬆,字幕就係上海佬,唔通最開始撈鬆係專稱上海人?

    查過下,https://www.zhihu.com/question/20170664 (爲保護私隱,建議訪問Archive

  • Citi @恆智德

    @恆智德【X登精選】許冠傑經典喻世歌及MV 裡說:

    經常出現嘅阿婆叫陳立品

    品姨吖嘛 港產片好經典。
    香港電影數據庫 hkmdb比較準同齊。
    http://hkmdb.com/db/people/view.mhtml?id=1949&display_set=big5

  • Citi @恆智德

    @恆智德 黃霑博士論文《粵語流行曲的發展與興衰:香港流行音樂研究(1949 - 1997)》第三章提到:

    (57) 「撈鬆」其實是國語「老兄」的粵語音譯。本來沒有貶意。只是對不懂廣府話,生活習慣和粵人不盡相同的外省人代稱。但發展到後來,就不免帶有一些省籍歧視在內。
    (58) 香港人地理知識貧乏,在廣東之北的同胞,一概稱做「上海佬」「上海婆」,「佬」是男人俗稱,「婆」是「年長女人」的意思。

  • Citi @恆智德

    日本娃娃咁似江欣燕嘅:lomore-oh:

  • Citi @恆智德

    @恆智德【X登精選】許冠傑經典喻世歌及MV 中說:

    UP UP貢好似大呀大燈籠

    原來up字應該咁寫咁讀

    ngap6。動搖貌。
    https://ctext.org/dictionary.pl?if=gb&char=岋

    《康熙字典·山部·四》岋:《集韻》鄂合切,音砐。動貌。
    《揚雄·校獵賦》:洶洶旭旭,天動地岋。

    都可以寫成

  • Citi @恆智德

    @恆智德【X登精選】許冠傑經典喻世歌及MV 中說:

    天才與白癡

    上面YT Channel成個鏟走咗 :golden-banghead:
    補返下面呢條,《天才與白癡》電影片頭,不過係簡化字歌詞
    https://www.youtube.com/watch?v=NhCE0BwGbbY (推薦使用保護私隱嘅Invidious

  • Citi @恆智德

    @恆智德【X登精選】許冠傑經典喻世歌及MV 中說:

    Hello kon ban wan 小姐你好嗎
    Wata shiwa hongkong no mach desu
    Anata wa totemo kawai

    上面幾句日文:
    晚上好
    我係香港Matchy(近藤真彥 花名)
    你好得意啊 :lomore-tongue:

  • Citi @恆智德

    @恆智德 呢首歌作詞真係好有心機,融合粵日英三語押韻 :lomore-good:

    同佢去happy跳上架toyota

    去晚飯直落共舞於Casablanca

    趁高興飛身上台唱Careless Whispers

    再散步月下連隨幻想下

  • Citi @恆智德

    @恆智德【X登精選】許冠傑經典喻世歌及MV 入面講:

    《漢語大字典》「硜」︰「(二)tɕiŋ⁵¹ 《集韻》詰定切(「黃氏」案︰見去聲 ‧ 徑韻),⋯⋯同『磬』。《說文》‧石部︰『磬,樂石也。硜,古文从巠。』「段玉裁」注︰『蓋硜本古文磬字,後以為堅确之意,是所謂古今字。』」

    「詰定切」擬成「粵」音本該是「kiŋ³³」或「hiŋ³³」,但「粵」方言裏,也有把中古「徑韻」字讀作「ɐŋ」韻的,如「珠海」話就是(參「詹伯慧」、「張日昇」主編的《珠江三角洲方言綜述》)。若把「詰定切」讀成「kɐŋ³³」,那就是義為「勁」、「強」的「kɐŋ³³」了。

    「粵」人說某種酒或香煙很「kɐŋ³³」,就是說其味道濃烈,一般人未必能接受。若說某人「kɐŋ³³」,就是說他「能幹」,有時甚至是「手段狠」。這個「kɐŋ³³」,其實是由「硜」字的「堅确」一義引伸 而來的。

    「耽」(俗寫「躭 」) 中古音平聲 ‧ 覃韻 ‧ 丁含切 ( 見《廣韻》 )。 雖然「粵」語讀書音是「dam⁵⁵」,但是一來是前面也提過的所謂長a (「a」) 與短a (「ɐ」) 互轉的現象,二來「丁含切」的「含」本來就讀「ɐm」韻,所以「耽」(躭 )根本就可音 「dɐm⁵⁵」。

    讀「dɐm⁵⁵」而有「耽誤」義,自然就是「dɐm⁵⁵ 時間」 的「dɐm⁵⁵」的本字。看看下引一段《金瓶梅》第七十九回的文字,就可知筆者所言不差了。

    「趁早使小廝請了「任醫官」,教瞧瞧你,吃他兩帖藥過來,休要躭著,不是事!」

    • 佢發晒 面似灶君
      似乎寫成「䒐」好啲

    【廣韻】武登切【集韻】彌登切,音萌。䒐䒐,神亂也。
    https://www.zdic.net/hant/䒐

  • Citi @恆智德

    @恆智德【X登精選】許冠傑經典喻世歌及MV 入面講:


    ngap6。動搖貌。

    都可以寫成「岌」,參見「岌岌可危」
    不過而家一般讀成「級」
    岌:《廣韻》魚及切《集韻》《韻會》逆及切。《正字通》岋本同岌,有孽屹二音。
    睇下用例似乎讀ngap6先夠形象:

    孔子曰:『於斯時也,天下殆哉,岌岌乎!』
    《楚辭·離騷經》:高余冠之岌岌兮,長余佩之陸離。

    UP UP貢

    「貢」:應該可以借「拱」字
    雖然「拱」一般讀上聲gung2,比如「拱橋」「拱手」
    不過「共」係去聲,「扌」表示動作,
    下面呢句詩嘅「拱」字讀成gung3亦比較貼切
    唐.杜甫〈北征〉詩:「鴟鳥鳴黃桑,野鼠拱亂穴。」

    成語「拱(gung3)來拱去」或者就係噉引申出來

  • Citi @恆智德

    @恆智德【X登精選】許冠傑經典喻世歌及MV 入面講:

    再卒一九五八認真泡

    「認真泡」 = 「認真夠泡」?

    「夠泡」= 「夠膽吞泡」?

    舊時吸鴉片,要將鴉片膏搓成小丸狀,稱為「煙泡」,晚清小說《官場現形記》提及「吃煙吞泡」,「吃煙」與「吞泡」同樣用到鴉片膏。「吃煙」需要煙槍、煙燈等用具,將鴉片膏加熱吸食;「吞泡」則將「煙泡」隨身攜帶,飲水服用,或如《官場現形記》提到的飲茶服用,目的是暫緩煙癮。「吞泡」需時,因此要暫停手上工作,後來引申為暫離工作崗位休息的意思。
    https://ol.mingpao.com/ldy/hotpick/20190807/1564049139767/粵語妙趣多五-「吞pop」偷懶關鴉片事-蛇王指偷懶「慣犯」-中文系講師話你知

  • @恆智德

    @恆智德【X登精選】許冠傑經典喻世歌及MV 入面講:

    再卒一九五八認真泡

    「認真泡」 = 「認真夠泡」?
    「夠泡」= 「夠膽吞泡」?

    會唔會係講捽得多隻手起嗮泡?

    泡最好寫成𦢊 pok1:

    《集韻》‧ 入聲 ‧ 覺韻 ‧ 匹角切「𦢊 」:「皮破起。」
    https://www.yuetlab.com/word/5bb2d759d71987766d3d707b

  • @恆智德

    @恆智德【X登精選】許冠傑經典喻世歌及MV 入面講:

    「吃煙」需要煙槍、煙燈等用具,將鴉片膏加熱吸食;「吞泡」則將「煙泡」隨身攜帶,飲水服用,或如《官場現形記》提到的飲茶服用,目的是暫緩煙癮。

    原來煙真係可以「食」,吞埋落肚都冇有怕 :lm2xm-eating:

  • @恆智德

    @恆智德【X登精選】許冠傑經典喻世歌及MV 入面講:

    「丁含切」的「含」本來就讀「ɐm」韻,所以「耽」(躭 )根本就可音 「dɐm⁵⁵」。
    讀「dɐm⁵⁵」而有「耽誤」義,自然就是「dɐm⁵⁵ 時間」 的「dɐm⁵⁵」的本字

    都有讀去聲33,比如「耽波鐘」

    睇埋本義,耽 類似 髧(dam3,頭髮下垂)

    《說文》耳大垂也。《淮南子·地形訓》夸父耽耳,在其北方。《註》耽耳,耳垂在肩上。

    至於「耽誤」,似同音借字,本字不可考

    又《玉篇》樂也。《書·無逸》惟耽樂之從。《傳》過樂謂之耽。《詩·衞風》于嗟女兮,無與士耽。《傳》耽,樂也。

    另外仲有「虎視耽耽」:

    又《廣韻》虎視。《易·頤卦》虎視耽耽。《註》虎視耽耽,威而不猛,不惡而嚴。

  • Citi @港產片語料

    @港產片語料【X登精選】許冠傑經典喻世歌及MV 入面講:

    「耽誤」,似同音借字,本字不可考

    又《玉篇》樂也。《書·無逸》惟耽樂之從。《傳》過樂謂之耽。《詩·衞風》于嗟女兮,無與士耽。《傳》耽,樂也。

    睇字形似會意字都話唔埋:

    • 《唐韻》餘針切《集韻》《韻會》夷針切,音淫。《說文》淫淫,行貌。
    • 又《唐韻》以周切《集韻》《韻會》夷周切《正韻》于求切,音由。《前漢·馬援傳》冘豫未決。《後漢·來歙傳》冘豫不決。《註》狐疑也。
      https://ctext.org/dictionary.pl?if=gb&char=冘

    「冘」字好似個人行到扭扭擰擰,自然引申成猶疑
    佮埋耳仔,係咪可以意會出「耽于音樂」,聽歌聽到唔愿唔愿行開?

    食字gag:耳 + 冘(音由) = 聽出耳油 :lomore-silly:

  • Citi @恆智德

    @恆智德 漏咗首《天才白痴錢錢錢》
    下面條片來自電影《天才與白癡》精神病院Party
    https://www.youtube.com/watch?v=GppvbS2jXpY (推薦使用保護私隱嘅Invidious

    詞:許冠傑, 薛志雄 曲:許冠傑
    (錢錢錢錢 錢錢錢錢)
    (錢錢錢錢 錢錢錢錢)
    (錢錢錢錢 錢錢錢錢)
    (錢錢錢錢 錢錢錢錢)

    * 成日要錢多 (錢錢錢錢 錢錢錢錢)
    幹水乜都渦 (錢錢錢錢 錢錢錢錢)
    借錢最折墮 (錢錢錢錢 錢錢錢錢)
    趴低㗒契哥 (錢錢錢錢 錢錢錢錢)

    貧賤拗頸多 (NO MONEY NO TALK NO MONEY NO TALK)
    生仔都恁過 (NO MONEY NO TALK NO MONEY NO TALK)
    阿女嗌肚餓 (NO MONEY NO TALK NO MONEY NO TALK)
    屋租都要拖 (NO MONEY NO TALK NO MONEY NO TALK) *

    有乜嘢會令你心花怒放 (錢~~)
    恁得多卒之梗癲癲喪喪 (錢~~)
    有咗佢就算打蹩雙腳都冇相干
    冇得擋 冇得擋

    REPEAT **

    有錢確係會少咁啲罪案 (錢~~)
    使乜衰到通街偷搶騙當 (錢~~)
    冇咗佢就算包公都由你嗌冤枉
    懶得講 懶得講

    REPEAT **

  • Citi

    《有酒今朝醉》,來自1976年專輯《半斤八兩》
    本歌以老坑口吻回首人生,慨嘆世事無常,韶華易逝,都係「有酒今朝醉」至實際

    https://www.youtube.com/watch?v=XLfCYvUsaPY (推薦使用保護私隱嘅Invidious

    詞:黎彼得 許冠傑
    原曲:Oh! Susanna (by Stephen Foster)

    童年就八歲 多歡趣 見到狗仔起勢追
    爺爺話我最興嗲幾句 買包花生卜卜脆
    跳下飛機 街邊玩下水
    爺爺仲教我講呢一句 有酒應該今朝醉
    (爺爺仲教我講呢一句 有酒應該今朝醉)

    行年十八歲 懶風趣 有名高級徙置區
    求其係派對仆倒去 見到「鴉烏」都請佢
    咪個謙虛 幾大充有水
    連隨問下佢幾多歲 有酒應該今朝醉
    (連隨問下佢幾多歲 有酒應該今朝醉)

    行年廿八歲 金翡翠 鬢影衣香拖靚女
    同埋趙阿翠 雙雙對 結果卒之娶咗佢
    以為歲晚煎堆 點知「雀」聲跟咗老許
    無謂問過去 盞心碎 有酒應該今朝醉
    (無謂問過去 盞心碎 有酒應該今朝醉)

    行年六十八歲 腰骨都脆 阿嘅風濕中氣衰
    人哋窒兩句 濕濕碎 我都「骨」聲吞咗佢
    嘆下雙蒸 打牌抽下水
    回頭望過去 始終嗰句 有酒應該今朝醉
    (回頭望過去 始終嗰句 有酒應該今朝醉)

    喇喇喇喇喇喇喇喇喇 喇喇喇喇喇喇喇
    喇喇喇喇喇喇喇喇喇 有酒應該今朝醉

  • Citi @恆智德

    @恆智德【X登精選】許冠傑經典喻世歌及MV 入面講:

    Oh! Susanna (by Stephen Foster)

    https://www.youtube.com/watch?v=unSEqk913fs (推薦使用保護私隱嘅Invidious

  • 花生友 薯皮親衛隊

    仲一路有update,:lomore-hoho: 淨係得呢度標題有「X登精選」

  • Citi @親衛隊

    @親衛隊【X登精選】許冠傑經典喻世歌及MV 入面講:

    淨係得呢度標題有「X登精選」

    太揚眼,已鏟 :lidog-smile:

  • Citi

    《十個女仔》,出自專輯《79夏日之歌集》,諷刺某啲女仔貪靚愛錢,刁蠻浪費

    https://www.youtube.com/watch?v=8WFWU4Bpr9Q (推薦使用保護私隱嘅Invidious


    https://www.youtube.com/watch?v=bEI1TY43Elo (推薦使用保護私隱嘅Invidious

    作詞:黎彼得 許冠傑   作曲:許冠傑
    監製:Rick Fung

    * 十個女仔 九個認細 明明係老 佢話唔係
    三張幾嘢 紮起辮仔 青春美麗 就冇失禮

    十個女仔 九個浪費 時時換季 已係成例
    身光頸靚 襯起好睇 錢亂咁揈 為顧身世 *1

    十個女仔 九個實際 人人恨嫁 富裕門第
    小妹選婿 要講家底 屈居妾侍 亦冇乜計

    * 望女仔逐個睇眼厲厲 (眼厲厲)
    燕瘦環肥大細樣樣齊 (樣樣齊)
    男士實在要感激上帝 (HALLELUJAH)
    皆因女仔使你意亂情迷 *2

    十個女仔 九個話咪 明明係制 猛話唔係
    想討好佢 老鼠拉龜 一味作狀 扮哂矜貴

    十個女仔 九個玉砌 情懷善變 確係文藝
    㤢啲都會 發起狼戾 一出眼淚 就要安慰

    REPEAT **2

    REPEAT **1

    亦冇乜計 為顧身世
    亦冇乜計 為顧身世
    亦冇乜計 為顧身世

相關主題