我建議大家來到呢度就從頭開始重新做人



  • 我建議大家一場來到呢度,就一切從頭開始,重新做人。盡量唔好將呢度視為植物論壇嘅粵語版延伸。

    所以成個討論區文化,可以從頭培養,唔需要跟返第度。

    呢度個定位應該係更似「冇isp/學校email嘅人嘅連登/高登」或者「自由版羊城網」,而唔係「粵語版嘅『植物論壇』」。

    請code狗@XsDen 講兩句。

    如果論壇定位係噉relaxed啲,噉大家或者可以放心去share畀你d親戚朋友同學同事,上來吹下水傾下偈。


  • Admin

    其實我起壇最主要係爲咗有一個粵語做官方語言嘅全匿名自治社區。
    具體想喺度做咩就睇個人需要啦,可以唔同分區有唔同嘅文化。

    我好似之前都講過「不止於政治」,叫得某登哽係唔止時事台啦。好似Bittorrent咁,呢樣嘢設計出嚟又唔係淨係爲咗傳老翻,你一樣可以用嚟傳free software㗎。

    XsDen-X登即係匿名版嘅登,大家參照呢個意思就得。


  • Citi

    自由粵語論壇


  • Citi

    @恆智德我建議大家來到呢度就從頭開始重新做人 裡說:

    自由粵語論壇
    天南地北,講乜都得


  • Citi

    講少少自己之前嘅感受啦。

    我感覺植物壇有啲人畀我嘅感覺就係,雖然一直翻緊牆,或者已經人唔喺中國,但始終有種逾越唔到心牆嘅感覺。直觀啲就係有時好有戾氣,我自己連續上幾日都要睇返多啲其他嘢中和下。呢種感覺畀我嘅第一反應係「呢條友信唔過,我有票唔會投畀佢」。

    其實自由就好似空氣同水一樣自然嘅嘢。


  • Citi

    @親衛隊 人一多就咁,平均質素自然下降



  • 又要重新做人,之不過我都係 in your face 果種人。搞爛gag為食量,睇戲吃花生,請開返個娛樂區困住我。


  • Citi

    最近無聊去2049、be4呢兩個植物壇友站mon post,睇咗唔少植物壇八卦嘢。

    順便分享下兩篇Be4君對植物壇隱私策略嘅評論:

    匿名最重要嘅係做好自己,唔好相信任何人嘅承諾。



  • 屌,睇來把柒。
    班人為咗一個網絡空間搞鬼咁多嘢。香港四登咁多用戶我都冇見過可以搞出咁多是非。

    另外一個,我就係秉持個人防護>依賴技術嘅原則。
    因為我嘅水平有限,時間同精力又有限,我冇動力亦永遠唔可能,搞得明d翻牆、匿名上網……嘅技術。我搞唔清究竟點為之「安全」,點做公安先真係捉唔到,太多嘢可以洩漏身份啦。
    所以我嘅選擇係,做好物理隔離同心理隔離。任何有少少反共嘅嘢都要同涉及自己真實身份嘅嘢切割。
    自己心理亦炮製兩種人格。假嗰種係,扮粵語唔流利,對外國世界一無所知,對國內政治一無所知,擁護政府但係乜都講唔出個所以然嘅嗰種「歲月靜好」白癡。以防大吉利是講句有朝一日俾共匪捉住。乜都詐傻。
    同親戚朋友同學同事都唔來往,扮cool,費事連累人。
    大隱隱於市。


  • Citi

    仲有一種思路係參考坦克啲reactive armour,用唔同嘅身份做唔同嘅事並做好區隔,必要時自爆唔重要嘅身份自保。比如某國政府部門知道你上twitter、ig,你咪話自己追星囉。


登入後回覆
 

相關主題

  • 3
  • 1
  • 7
  • 2
  • 11
  • 17
  • 8
  • 1
  • 3
  • 25