【香港維吾爾人權關注組】維吾爾人被剝削?你親眼睇過咩?我就係睇過!

  • Citi 花生友 薯皮親衛隊

    維吾爾人被剝削?你親眼睇過咩?我就係睇過!
    https://www.thestandnews.com/china/維吾爾人被剝削-你親眼睇過咩-我就係睇過/

    【文:香港維吾爾人權關注組】

    最近擺街站講維吾爾人權狀況,不時都會有人鬧我哋「亂咁噏」,質問我哋係咪「親眼見過」維吾爾人被強迫勞動嘅過程。

    其實近年世界各地唔同嘅智庫組織同有公信力嘅媒體,都陸續披露大量調查報告顯示維吾爾地區出現嚴重人權問題,當中唔少涉及強迫勞動。有圖有片有數據有人證,只要願意搵就會一定會睇到。但由於香港主流媒體一直缺乏相關報導,事件喺本地關注度唔高,好多香港人即使知道維吾爾人權遭受剝削,對佢哋嘅實際情況都唔太了解。

    今日我哋整理出其中三項資料,證明維吾爾人權的確受到剝削:

    1. 哈薩克人親眼見證:「再教育營官員每日都強迫我去營地旁邊嘅工廠工作」

    哈薩克人 Gulzira Auelkhan 曾被困在新疆再教育營接近兩年,佢接受媒體訪問時指出:「那些成衣工廠跟禁閉營根本沒有分別,工廠內有警察、監控鏡頭,想走也走不了。」其中一次接受法新社嘅訪問,就話佢每日都俾再教育營官員送去距離營地三公里嘅工廠工作,接近兩個月嘅工作人工只係得 $320 人民幣,佢唔敢自由離開工廠,因為佢親眼見到有營友沖涼超過兩分鐘就俾人用有電警棍重擊頭部,足以證明強制勞動之說。

    1. 英媒 BBC:「2018 年起,新疆再教育營旁邊興建咗大量工廠,兩者成為一種拘留營聚合體。」

    有圖就有真相。英媒 BBC 拍攝到嘅開源衛星圖像顯示,自 2018 年起,再教育營的隔壁出現一座全新的工廠,施工完成之後不久,可以看到大批顯然穿著統一顏色制服嘅人,在這兩個地點之間緊密地排隊走動,懷疑就係被困喺再教育營嘅維吾爾族人,工廠和營地如今似乎已合併成一個大型工廠綜合體,拘禁、思想教育和強迫勞動成為營內維吾爾族人日常。

    1. 德國人類學者:「中國官方宣傳文件以扶貧為名美化強迫勞動」

    德國人類學家、劍橋大學鄭國恩博士,因研究新疆再教育營而聞名,佢發現嘅新文件指出中國有可能將再教育營外的少數民族也被派去採摘棉花,鄭國恩博士發現的一份新疆當局的宣傳報道說,棉田提供一個改變貧困村莊村民「等靠要懶散思想」的機會,以「勤勞致富光榮」美化強制勞動,這一觀點在文件中被多次重覆。同時,係另一份關於採摘棉花好處的宣傳報道中,「只滿足於在家裏帶帶孩子」嘅想法被描述為「造成家庭貧困的重要原因」,國家正為兒童、老人甚至牲畜提供「集中」撫養託管,「解決好村民外出務工的後顧之憂」。文件中仲多次提到被動員起來嘅拾花工如何受到控制和監視,強制勞動嘅指控有根有據。

    當世界各地喺近年,不論係海外維吾爾人、媒體、學者、智庫,都不約而同提出咁多證據顯示維吾爾地區出現大規模人權侵犯事件,甚至各國政府都陸續公開譴責,基本上只有兩個可能性:一係除咗中國之外全世界都一齊捏造事實,一係維吾爾人權狀況的確非常嚴峻!

    希望大家正視維吾爾人強制勞動嘅問題,由今日起,同我哋一齊杯葛新疆棉,罷買仲用新疆棉嘅時裝品牌,改變你嘅消費習慣,就係一種明確嘅表態。

相關主題