【講古仔】 樓主講古直播中

  • 薯皮親衛隊 花生友

    求吓你哋唔好捉我個故字,內文都係用古:lidog-cry: :lidog-cry: :lidog-cry:
    呢個係新古嚟,我自己單機寫到無聊就喺度post埋:lomore-noodles:

    Penana:
    https://www.penana.com/story/74371
    紙言:
    https://www.shikoto.com/i/7tP

  • Citi 花生友 薯皮親衛隊 @薯皮

    @薯皮 :lomore-hoho: 其實「故」定「古」有定論咩?兩登都係「故台」

    「是咁的」使唔使轉「是噉的」:lomore-brain:

    https://words.hk/zidin/咁

    明明「咁」兩邊都用得

  • 薯皮親衛隊 花生友

    其實係冇,是但喇
    唔影響我

  • Citi 花生友 薯皮親衛隊 @薯皮

    @薯皮 係要執,執語法、用詞好過,比如話「行先」、「先行」。

    仲有「走落去」之類?= 「走下去」+ 「行落去」? 用官話意思就冇講係粵文啦

  • 薯皮親衛隊 花生友

    我呢個係膠古嚟,大家唔好笑我:lidog-beg:
    放心,我寫嘅古仔冇甜
    應該......

  • Citi 花生友 薯皮親衛隊 @薯皮

    @薯皮

    某一日,我遇到自己筆下嘅重甜角色,喺殘廁做愛做嘅事。

    :lomore-hoho: 冇甜?

  • 薯皮親衛隊 花生友

    某一日,我遇到自己筆下嘅重甜角色,喺殘廁做愛做嘅事......

    “六十年前嘅某日,一位少年發現咗一條通往魔界嘅隧道。穿越異世界之後,佢經歷咗好多嘢,都遇到十零廿個「一生至愛」,同佢地生咗一大堆人妖血統嘅仔女。佢放棄原本喺人界嘅毒撚生活,成為咗魔界史上最偉大嘅魔王大人。

    怕再有人類唔打誤撞撞入嚟魔界,魔王將嗰條接通兩界嘅隧道封印住。魔界嘅子民喺佢嘅統治下,過住安定又繁榮嘅生活。

    不過喺魔王瓜柴冇耐,王室版嘅溏心風暴就正式展開。

    喺呢個魔界大亂,人妖橫飛嘅時代,接通兩界嘅隧道再一次打開......”

    “阿希坐喺公園殘廁嘅馬桶準備解放,忽然感覺到有一隻溫熱手掌揸自己光滑嘅八月十五。佢差啲嚇到瀨屎,即刻彈起身。

    眼前一個精壯嘅男人喺馬桶裡面爬出嚟,濕淋淋嘅衫緊貼住佢結實嘅肌肉。

    好性感......好想奶......好想同佢展開激情對話......

    阿希睇到眼眼都唔眨,睇到㷫恰恰噉吞一吞口水。

    「美人?你係邊個?王兄派過嚟嘅?」精壯嘅男人用銳利嘅目光審視阿希。

    「唔係......我叫阿希......」喺佢露骨嘅眼神下,阿希覺得自己好似光脫脫噉。明明自己只係除咗底褲,露出鳥。佢都仲未除上半身......

    阿希好怕羞,佢臉頰染上美麗嘅桃紅色,令人想咬一啖品嚐佢嘅香甜。

    「唔理你係唔係都好,今晚你就係我嘅男人。」精壯嘅男人見到佢嬌俏嘅表情,忍唔住心裡面嘅欲火。

    「嗯......唔好啊......」

    「嗯......啊......」”

    607 .
    仆街樓主,要我等咗成萬字先等到甜位
    而家「嗯啊」係咩意思啊?

    608 .
    樓主死全家,重甜呢?

    609 .
    0/10 no h

    「嘻嘻嘻嘻......」路千遙一邊碌住某登鬧佢嘅留言,一邊笑到就快抽筋。

    佢係某登講古台嘅新人作者,雖然小學嘅時候喺其他討論區都有寫過文,但會留言嘅人只有小貓三四隻,所以棄咗。喺呢幾年裡面,佢睇咗無數嘅某登古。了解自己不足嘅地方,最近重新執起鍵盤打文。

    路千遙嘅新古叫《(hehe、重甜) 他在殘廁遇上他他他和他》,集合咗某登仔鍾意嘅重甜、重口味同水蛇春咁長嘅名。

    初頭真係想認真去寫,但寫寫吓發現睇人中伏好似更加好玩。見到大量讀者因為被伏入嚟睇佢嘅文,而鬧佢,佢就覺得好爽喇。哈哈哈哈......

    路千遙感覺自己打開咗惡趣味嘅大門,已經返唔到轉頭。每日放學之後都心急返屋企寫文,睇讀者中伏,就係佢堅持寫文嘅最大動力。

    今日因為要補課,所以好晏先放學。路千遙同同學分開之後,就行公園嘅方向返屋企。

    寒冬嘅黑夜特別長,天空好早就已經被染黑。風吹過樹葉,發出「沙啦沙啦」嘅聲。

    路千遙一隻手揸實褸袋嘅暖蛋,縮起膊頭,令自己冇咁凍。而另一隻手就算凍到就快結冰,都堅持伸出嚟碌電話。心思思噉睇自己嘅文有冇新留言,一邊睇一邊偷笑。

    佢路過僻靜嘅公園,突然停低腳步。望入公園裡面,一個人都冇......有一種空虛感停留喺心頭......

  • 薯皮親衛隊 花生友 @親衛隊

    @親衛隊 喺紙言引咗好多人嚟睇:lidog-itdog1:

  • Citi 花生友 薯皮親衛隊 @薯皮

    @薯皮 :licat-bye: 先見到你高登都有po,不過好似零回覆....

  • 薯皮親衛隊 花生友 @親衛隊

    @親衛隊 高登一向都係喇,我post完就唔理

  • Citi 花生友 薯皮親衛隊 @薯皮

    @薯皮 :lomore-bye: 既然呢度無限ac製,不如試下開幾個主角名做id嘅分身 :lomore-lightbulb:

  • 薯皮親衛隊 花生友 @親衛隊

    @親衛隊
    點解要噉做啊?:golden-at:
    我有喺自己MeWe出故區貼埋Xsden條link宣傳
    不過我讀者好少,未必有人嚟

  • 薯皮親衛隊 花生友

    韆鞦因為被風吹過而搖擺,可以想像到小朋友喺上面開心笑,開心玩嘅畫面。於是路千遙心血來潮噉坐上韆鞦,輕輕踢腳,令韆鞦搖擺。

    「沙啦沙啦」

    突然一陣強風迎臉而嚟,吹起路千遙嘅髮絲。佢緊閉起雙眼,雙腳用力撐住地面,避免自己喺韆鞦上面跌落嚟。

    而隔離嘅韆鞦櫈就被強風吹到好高好高,綁住韆鞦櫈嘅鐵鏈發出「鈴鈴鈴」嘅清脆聲音。直到風停止,世界又回復平靜......

    「砰......砰......」

    喺寧靜嘅環境中,隱約聽到公園裡面傳嚟奇怪嘅聲。

    「呃?」路千遙仔細聽,再三肯定自己冇聽錯。

    喺人影都冇個嘅公園裡面,就算係輕微嘅聲,都會特別清晰。而且聲音仲越嚟越大聲,越嚟越急速。

    「砰......砰......砰......」

    夜媽媽裝修?又唔多似喎......

    路千遙吞一吞口水,放輕腳步,順住聲音傳出嚟嘅方向搵,搵到殘廁門口。

    喺廁所裡邊傳出嚟,唔會係爆石爆到「砰砰」聲啩。

    門被撞到有輕微嘅震動,有種裡面困住一隻凶猛嘅怪獸,想破門而出嘅感覺。

    路千遙強忍住恐懼,集中精神,將嘈雜嘅「砰砰」聲忽略,仔細聽裡面嘅情況。

    「嗯......啊......嗯......」

    殘廁裡面隱約傳嚟男人痛苦嘅喘氣聲,好似仲唔止一個人......

    裡面嘅人搞乜啊?便秘?爆痔瘡?喺裡面生仔?

    心地善良嘅路千遙擔心裡面嘅人有危險,於是伸手大力拍門:「先生!先生!你哋有冇事啊?洗唔洗幫你哋叫白車啊?」

    裡面瞬間安靜落嚟,一粒聲都冇再傳出嚟。路千遙有啲疑惑,再一次拍門。

    「喂!出句聲......嗯!」路千遙嘅說話講到一半,突然有一個高大嘅人冇聲冇色噉企喺佢身後,用手冚住佢把口。而另一隻手就趁佢唔覺意嘅時候,將佢雙手扣實,以防佢掙脫。

    搞乜啊?變態蘿莉控?自己仲未成年㗎!

    「嗯!嗯!」路千遙想大聲求救,但口被冚到實一實,出唔到聲。

    四圍除咗殘廁裡面有人之外,連一個路人都冇。佢唯有瘋狂踢腳掙扎,但對方反而扣得越緊。

    「唔好亂郁......」捉住佢嘅男仔喺佢耳邊細聲講。

    男仔天生溫和又清澈嘅聲線,真係好好聽。帶住一種魔力,可以安撫人心靈。聽到佢把聲之後,路千遙有啲迷惑,掙扎嘅動作都停頓咗幾秒。

    「我放手,你唔好嗌啊......」男仔依然小心翼翼,細聲噉對佢講。

    對方肯放開自己,路千遙即刻瘋狂點頭。男仔見佢應承,都慢慢鬆手。

    路千遙乘機反手捉住男仔隻手,用盡全力咬落去。男仔痛到想大嗌,但又怕驚動喺殘廁裡面嗰兩個男人,所以只係擘大口,無聲噉嗌痛。

    哈!抵死!嗌喇嗌喇,出盡力嗌出聲喇,嗌破喉嚨都冇人嚟㗎喇。

  • Citi 花生友 薯皮親衛隊 @薯皮

    @薯皮 :lomore-hoho: 好玩

  • 薯皮親衛隊 花生友 @親衛隊

    @親衛隊 我會google自己啲角色名

  • Citi 花生友 薯皮親衛隊

    阿籬。」男仔即刻將臉上恐嚇嘅表情換成溫柔嘅笑容,好似直接換咗個人一樣。

    @阿離 :lomore-hoho: 你係女神

  • 薯皮親衛隊 花生友 @親衛隊

    @親衛隊 咁啱啫

  • 薯皮親衛隊 花生友

    矇矓嘅月光下,隱約睇到男仔嘅臉部嘅裝備,佢帶住cap帽、黑超同口罩。路千遙覺得呢個人相當有嫌疑,咬落去嘅力度再加多幾錢肉緊。

    男仔想用另一隻手推開路千遙,但佢見係女仔,唔敢太用力。佢伸出去嘅手被路千遙輕易就撥開,雙方好似耍太極噉,過咗幾招。

    「嗒!」

    身後突然有一聲開鎖聲,打破咗佢哋嘅對峙。

    「吱......」

    殘廁門慢慢被推開,好似鬼片一樣,有一隻蒼白嘅手喺殘廁裡面伸出嚟,扶住門邊。路千遙同男仔都嚇咗一跳,路千遙下意識一個反手閂返門。

    「嗚哇!」蒼白嘅手被門用力夾住,裡面傳出類似咆哮嘅聲。

    路千遙不知所措噉向隔離嘅男仔求救,男仔同佢對視一眼,決定暫時放低爭執。拉住佢隻手跑到附近嘅草叢,搵個安全又隱蔽嘅位置趴低匿好。

    喺呢個位置嘅視野有限,只能夠睇到近住地面嘅位置。路千遙睇到好似動物一樣毛鬙鬙嘅腳,慢慢喺殘廁走出嚟。

    一......二......三......四......

    有四隻腳,兩隻多毛,另外兩隻就白滑到反光......

    路千遙嘅心一寒,諗起啱啱好似猛獸嘅撞門聲,仲有同學對佢講過廁所四腳獸嘅都市傳說。佢當時只係當同學講一個虛構嘅恐怖傳說,估唔到呢個傳說真係存在,仲要咁好彩畀佢遇到。

    路千遙呢刻先開始驚,減輕呼吸嘅力度,唔想被發現,雙眼定定望實出面嗰四隻腳。不安噉細聲問隔離個男仔:「喂......你有冇聽過廁格有四腳獸嘅傳說啊?」

    「四腳獸?」男仔聽到之後,疑惑噉望住路千遙。

    「我都係聽同學講,應該係一隻會喺廁格出現嘅怪獸......」路千遙嘅表情好認真,就好似講真人真事一樣。

    「出面有冇人?」草叢外有一把虛弱嘅男聲,打斷咗路千遙嘅說話。

    「好似已經走咗......」比較低沉嘅聲音答佢。

    人嚟?

    路千遙聽到原來係兩個男人,而唔係四腳獸,總算鬆咗一口氣。佢原本以為只有女仔先會約埋一齊去廁所,估唔到男人都會,仲要係同一格殘廁。

    路千遙好清楚佢哋係喺度叫自己,猶豫要唔要應,不安噉望一望趴喺佢隔離嘅男仔。男仔感覺到佢嘅不安,反手捉實佢,嚴肅噉擰頭。

    路千遙擰一擰個頭,轉另一個角度偷睇外面兩個男人嘅樣。

    身形瘦長嘅男人,皮膚白到好似雪一樣,個樣仲靚過女人。令人一見難忘,都冇辦法移開目光。

    佢後面就跟住一個毛髮旺盛嘅男人,好似大猩猩King Kong一樣。佢連心口都生毛,就差在未生上塊臉度。赤裸住上身,肌肉發達到起晒青根,好似就嚟爆。

    兩個人嘅表情都好尷尬,鬼鬼鼠鼠噉環視四圍睇吓有冇外人。

    「不如我帶你返屋企,返去再做?」靚過女人嘅男人紅住臉對King Kong講。

  • Citi 薯皮親衛隊

    嘩,真係有人寫故 :golden-oh:

  • 薯皮親衛隊 花生友 @自動書記

    @自動書記
    興趣嚟
    主要喺其他地方寫,因為無聊先post埋喺度
    畀大家改吓同笑吓:golden-adore:

  • 薯皮親衛隊 花生友

    其實我已經習慣咗寫口語
    而家未必可以一時間轉返寫書面
    之前同網友玩故事接龍都要返轉頭改好幾次

  • 薯皮親衛隊 花生友

    「好啊,阿希......」King Kong勉強吱出一個溫柔嘅微笑。其實啱啱畀路千遙嚇一嚇,佢已經冇曬興致,都怕一陣間會力不從心。

    喺隔離一直暗中觀察佢哋嘅路千遙發現眼前嘅兩個男人動作親密,好似係情侶嚟。

    噉頭先佢哋兩個大男人一齊去廁所搞乜?

    嗰個靚過女人嘅男人叫阿希......同自己最近寫嘅hehe甜文主角名一樣......

    身為甜文作者,路千遙腦海閃過自己寫嘅文字。雖然係只有幾句對白嘅激情劇情,但單睇文字同現場真人對照,係完全兩種觀感。

    唔通頭先嘅聲係佢哋曳曳嘅聲?路千遙越諗就越覺得似,而家好老尷好想搵窿捐,臉同耳尖瞬間好似被火燒一樣灼熱。

    佢好後悔自己咁純潔,雖然有寫同睇過甜文,但av係完全冇睇過。第一次就已經聽現場,仲要喺佢唔知嘅情況吓冇咗。

    路千遙目送嗰兩個男人離開,公園只係剩返佢同隔離個男仔。一片沉默,雙方嘅氣氛緊張又帶住一絲尷尬。

    「我嚇親你,對唔住啊。」男仔主動對路千遙道歉。

    「唔係,係我要道歉先啱。」路千遙真心多謝個男仔,頭先救咗佢。如果唔係,佢而家應該已經畀King Kong打緊。自己仲怪錯好人,咁用力咬對方。

    路千遙有啲慶幸自己係個女仔,阻人扑嘢應該都冇春袋可以燒。

    不過對方著到咁可疑,仲匿埋偷窺兩個大男人喺殘廁曳曳。唔通係嚟捉姦嘅大婆?

    喺路千遙嘅眼裡面,對方頂黑色帽上面中一點綠令人好難去忽視,個心都開始同情佢。

    「故事發展明明唔係噉......」男仔對路千遙呢個路人甲嘅亂入,都覺得好奇怪,認真審視佢呢個bug。

    吓?故事?乜故事啊?四腳獸嘅故事?

    「你叫咩名啊?」男仔問佢。

    「做乜噉問?」路千遙以為男仔係想怪自己破壞咗佢嘅捉姦計劃。

    「係我太突然,唔想講就算喇。你自己小心啲返去喇,再見。」男仔發現自己太主動,都有啲唔好意思,轉身準備離開。

    「等等!」路千遙睇佢都唔似壞人,鼓起勇氣叫住佢,對佢講出自己個名:「我叫路千遙啊,你呢?」

    「路千遙......原來只係路人甲嚟......」男仔細聲自言自語。

    「吓?」路千遙聽到男仔嘅說話之後,覺得好奇怪。

    佢嘅意思係咪話自己個名好公廁啊?

    男仔回過神,講出自己個名:「我叫溫皓陽。」

    溫皓陽......呢個名聽落好熟,但又記唔起係邊個......

    「叮!」

    路千遙聽到電話收到msg嘅聲,於是順手拎起嚟睇一睇。只係幾秒嘅時間,抬起頭已經搵唔到溫皓陽嘅身影。

    公園裡面除咗自己,根本一個人影都冇。

    去咗邊?呢個公園明明得一個出口......好似原地消失一樣......

    「嗚嗚......」

    突發有一陣強風吹過,風聲裡面隱約夾雜動物嘅低吼聲,好似係喺殘廁裡面傳嚟。

  • 薯皮親衛隊 花生友

    其實喺香港嘅講故平台並唔算多
    粵文嘅話主要都係兩登、紙言
    penana都唔錯嘅

    tbc...嘅話,唔太想放
    可能因為佢之前宣傳得太勁,我呢啲小薯唔太敢去

  • 薯皮親衛隊 花生友

    我已經變咗創作台台主:lomore-agree:

  • 薯皮親衛隊 花生友

    比起身體,路千遙而家覺得心裡面更加寒。佢有一種不祥嘅預感,即刻快步跑返屋企,逃離呢個陰森恐怖嘅公園。

    雖然都有為今日發生嘅事心煩,但文依然都要照更新嘅。佢打開討論區,睇吓有冇新嘅留言。

    607 .
    魔界王子被個路人甲嚇到軟咗,以後未冇甜位?
    宣佈完故

    608 .
    硬唔到最多未換過個囉

    609 .
    雖然甜位好癈,但幾好笑啊

    奇怪喇......之前啲留言內容改變咗。

    每次有人肯睇同留言支持,路千遙都會好自戀噉重複睇幾次。無論係正面定負面都係,所以佢係絕對唔會記錯。

    路千遙覺得好奇怪,於是碌返上自己編文重睇一次。佢嚇到碌大隻眼,再重睇幾次,確定自己冇搞錯。

    呢編文嘅內容,並唔係佢寫嗰編嚟。主角名同文筆都同自己一樣,但內容去到中段就開始改變。

    佢決定喺新嘅一章寫埋主角喺殘廁曳曳嘅日期、時間同地點,噉就實食冇黐牙喇。

    樓下有讀者講笑話要去撞主角,如果真係撞到,應該會嚇死佢哋......

    “阿希同魔界王子度過咗美好嘅一晚,第二朝佢摸一摸自己隔離,毛神神嘅爆肌肉體已經唔見咗。

    十二月十日,晚上十一點正。

    阿希再次嚟到同魔界王子初遇嘅殘廁,祈求馬桶之神再賜一個精壯男人畀自己,自己頂得住。

    “吼......”

    野獸一樣嘅低吼聲喺馬桶裡面傳出,阿希驚喜噉打開馬桶蓋。但爬出嚟嘅唔再係男人......而係一隻怪獸......”

    就算文筆幾好,故事幾精彩都好。個故事越痴線越多甜位,就越容易吸引到讀者興趣。雖然好殘酷,但呢個世界就係咁現實。

    而且如果真係有四腳獸存在嘅話,路千遙真係想見識吓。佢細到大都對啲鬼怪同都市傳說有好大興趣,小學嘅時候都寫過吓靈異戀愛嘅故事。

    路千遙根據自己寫嘅設定,預早去殘廁附近埋伏。佢見仲有時間就拎起電話打場機先,而時間都唔經唔覺噉流逝。

    「唉,又輸咗......成班豬隊友......」玩咗好耐終於都完咗場,路千遙因為輸咗個遊戲,心情有啲低落。

    佢望一望時間,發現已經過咗。冇咗打機聲之後,佢先意識到公園裡面真係好冷清。

    「嗯!唔好啊!」

    「嗚......」

    喺寧靜嘅公園裡面,除咗樹葉被風吹過嘅聲之外,仲隱約聽到男人嘅求救聲,仲有野獸一樣嘅低吼聲。

    唔會係真啩......

    路千遙臉色瞬間變得蒼白,順著聲音嘅方向跑過去。其實佢都唔太信自己寫嘅內容可以成真,純粹無聊貪得意,先有呢個諗法。

    佢喺內心祈禱,希望自己只係諗多咗,但佢眼前見到嘅,打破咗佢由細到大所認定嘅常理。

    黑蚊蚊又毛鬙鬙大型嘅身影、野獸一樣兇猛外表,而且帶極強嘅攻擊性......全部都同路千遙喺甜文裡面寫嘅一樣......

  • Citi 花生友 薯皮親衛隊 @薯皮

    @薯皮 :golden-adore: 台主

  • Citi 花生友 薯皮親衛隊 @親衛隊

    @親衛隊 :lomore-hoho: 睄咗下,po埋野味小精靈就齊嗮

  • 薯皮親衛隊 花生友 @親衛隊

    @親衛隊 唔制,好膠

  • 薯皮親衛隊 花生友

    其實呢個古我睇返之前廿章都覺得劇情有啲亂
    我太執著於搞笑派膠同恐怖並行
    但好似做唔到

  • Citi 花生友 薯皮親衛隊 @薯皮

    @薯皮 :lomore-hoho: 試下開個group,多咗tag喺隔籬,:lomore-support: 追古會員

  • 薯皮親衛隊 花生友 @親衛隊

    @親衛隊 暫時都係得我一個寫:golden-sosad:

  • Citi 花生友 薯皮親衛隊 @薯皮

    @薯皮 https://xsden.info/groups/薯片

    :lomore-hoho: 開group好似幾好玩

  • Citi 花生友 薯皮親衛隊 @親衛隊

    @親衛隊 :lomore-hoho: 不如改做「薯皮親衛隊」

  • 薯皮親衛隊 花生友 @親衛隊

    @親衛隊 真係開後援團?:lomore-at:

  • 薯皮親衛隊 花生友 @親衛隊

    @親衛隊
    so sweet,好啊:lidog-hehe:

  • 薯皮親衛隊 花生友

    而呢隻大怪獸嘅下身,隱約見到壓住咗一個男人。路千遙認得呢個男人把聲,就係上次遇到,懷疑係甜文主角嘅阿希。

    「啊!救命啊!」

    被四腳獸壓住嘅阿希痛苦噉求救,但四圍都冇人可以幫同救佢。佢嘅身影大部分被四腳獸嘅毛遮住,但白嫩嘅身體上大大少少嘅傷口同血漬都特別顯眼,令人心驚。

    根據劇情發展,主角阿希係絕對唔會死。但路千遙嘅腦海一片空白,完全思考唔到。

    路千遙而家只有一個諗法:再係噉,眼前嘅人會死......

    佢嘅手腳比自己個腦反應嚟得快,抖震嘅手拎起地下嘅碎石,大力掟向四腳獸。

    四腳獸停低身下嘅動作,慢慢抬起頭,用帶住殺氣嘅血紅色雙眼睥住路千遙。路千遙腳軟,都唔敢亂郁,眼瞏瞏噉同怪獸對視。

    「嗚嗚......」四腳獸露出尖銳嘅撩牙,喉嚨一直發出威脅性嘅低嗚,警告路千遙。

    四腳獸放過身下嘅阿希,試探噉慢慢一步一步接近路千遙。路千遙想轉身逃跑,但又怕一移開目光,四腳獸就會即刻攻擊佢。

    「呼......」

    當路千遙回過神,四腳獸已經行到佢面前。高大嘅體影,將佢頭上嘅月光完全遮擋住。大大嘅鼻哥窿對正佢塊臉,噴出濕熱嘅熱氣。

    「嗒!嗒!」

    突然又有幾舊碎石,打向地面,成功轉移佢嘅注意力。四腳獸用猙獰嘅表情回頭,好嬲噉睥住發出聲響嘅方向,一步一步行過去。

    「第二次喇,你改變咗劇情......」

    路千遙將全副精神放曬喺四腳獸身上,溫皓陽突然出現喺佢身後講嘢,嚇到佢個心離一離啊。溫皓陽即刻拉起佢隻手,帶佢一齊逃跑。

    今次溫皓陽冇再戴偷竊狂裝備,精緻嘅五官暴露喺月光底下,係一個陽光型男。佢哋匿埋喺隔離嘅草叢,可以睇到外邊嘅四腳獸已經開始聞地下嘅氣味,四圍搵佢哋。

    溫皓陽同路千遙距離好近,可以感受到對方小心翼翼嘅呼吸。

    噗咚......噗咚......

    唔知係唔係因為氣氛太過緊張,路千遙覺得自己同溫皓陽接觸到嘅皮膚有啲發㷫。心跳都太快喇,佢好驚自己嘅心跳聲會被發現。

    「再係噉唔係辦法......」溫皓陽一直望實四腳獸,然後苦惱噉對路千遙講:「路人甲郁啲就會拎便當,所以你嘅劇情到此為止。快啲走!」

    「吓?噉你呢?」雖然唔太明溫皓陽嘅意思,但路千遙想同埋佢一齊安全逃離呢度。

    「我負責引開呢隻怪物......」

    「我唔可以留底你一個!」路千遙打斷佢嘅說話,如果呢刻掉低佢自己一個走,自己一定會成世都良心不安。

    「放心,我唔會有事。因為我都算半個男主角,劇情完之前,唔會噉易出事。」溫皓陽又講出一句莫名其妙嘅說話,然後就催路千遙離開。

    「嗚嗚......」聽到外邊四腳獸嘅低吼聲,代表佢哋時間無多。

    「我數到三,你就向住出口跑,唔好望返轉頭。」溫皓陽對路千遙露出陽光一樣耀眼嘅笑容,安撫佢不安嘅心。佢唯有暫時相信溫皓陽,低落噉點頭應承。

    「一......二......三!」

  • Citi 花生友 薯皮親衛隊 @自動書記

    @自動書記 :limouse-tea: 鍾意追古歡迎加入「薯皮親衛隊」

  • 薯皮親衛隊 花生友 @親衛隊

    @親衛隊 我仲等其他人陪我寫

  • Citi 花生友 薯皮親衛隊 @薯皮

    @薯皮 好似之前有個接龍,好似冇人記得:lomore-hoho:

  • Citi 花生友 薯皮親衛隊 @親衛隊

    @親衛隊 我仲係主角 :lomore-bye:

相關主題