說話生猛若省港 千變萬化巧用「劏」

  • Citi

    http://www.cantonese.asia/portal.php?mod=view&aid=785
    2015-4-30 11:37| 發佈者: highyun

    摘要: 廣東話之「劏」,原本意思係「宰殺」,以刀割開動物身體。例如東瀛人切腹自殺曰「劏肚」,高聲怪叫曰「劏猪咁聲」,吉人天相渡過危機要「劏雞還神」,歇後語「亞崩劏羊,咩都冇得咩」…… ... ...

    早前,《生果日報》兩岸版某則新聞講及天津一宗車禍,標題爲:「天津大霧釀慘劇 旅巴撞限高欄劏頂兩死」。對照配相,車身遭限高欄橫向劏開,「劏頂」兩字相當形象。
    113437e3tusbqh23rqnbor.jpg

    廣東話之「劏」,原本意思係「宰殺」,以刀割開動物身體。例如東瀛人切腹自殺曰「劏肚」,高聲怪叫曰「劏猪咁聲」,吉人天相渡過危機要「劏雞還神」,歇後語「亞崩劏羊,咩都冇得咩」……佛山祖廟仲有嚿「劏人石」,傳說好多年前,某惡霸屈個細路偷佢屋企隻鵝食,問曰「你今朝食乜?」細路話「食螺,食螺」,由於佢甩牙,大人聽成「食鵝,食鵝」,於是乎惡霸拉咗佢老竇送官究辦,阿媽唔信自己個仔會偷人嘢,一氣之下,拉個仔去祖廟劏肚以證清白,結果細路肚中只得螺肉,而北帝神像前劏肚嗰嚿石頭就成爲「劏人石」,至今尚有隱隱血漬。此事於金庸先生《飛狐外傳》中亦有說及,成爲鳳天南與鍾四嫂嘅恩怨故事。
    113503eew66huqvqhw78uv.jpg

    佛山祖廟「劏人石」

    至今,「劏人」之事已極爲罕見,「劏」亦演變出更多意思,未必係「殺生」。例如低價旅遊團導遊帶遊客去購物點強制購物,嗰啲商店專「劏客」,所謂「劏客」,「好過去搶」也。「攔路打劫」,謂之「劏死牛」,皆因死牛唔識反抗,又夠大隻,任劏唔嬲,被洗劫者有如死牛一般,任人宰割。

    廣東話活力非常,隨時世發展,「劏」嘅對象亦由生物轉爲死物。分間樓宇單位,又名「劏房」。香港寸金尺土,乜都要一分爲幾,間開嚟租賣,故此「劏樓」、「劏鋪」應運而生,同「劏房」一樣道理。此外,「劏」嘅物件越嚟越細,汽車拆成部件曰「劏車」,買手提電話上臺(電訊商捆綁銷售), 然後再攞部電話去賣呌「劏機」。

    講開「劏」字,尚有大把話題,另案再議,敬請留意。

  • Citi @sudo

    @sudo說話生猛若省港 千變萬化巧用「劏」 入面講:

    佛山祖廟仲有嚿「劏人石」,傳說好多年前,某惡霸屈個細路偷佢屋企隻鵝食,問曰「你今朝食乜?」細路話「食螺,食螺」,由於佢甩牙,大人聽成「食鵝,食鵝」,於是乎惡霸拉咗佢老竇送官究辦,阿媽唔信自己個仔會偷人嘢,一氣之下,拉個仔去祖廟劏肚以證清白,結果細路肚中只得螺肉,而北帝神像前劏肚嗰嚿石頭就成爲「劏人石」,至今尚有隱隱血漬。此事於金庸先生《飛狐外傳》中亦有說及,成爲鳳天南與鍾四嫂嘅恩怨故事。

    《讓子彈飛》六子被屈食涼粉畀唔夠錢,劏肚以證清白
    https://www.bilibili.com/s/video/BV1oK4y1r7Y5

  • Citi

    加tag #劏

  • Citi @sudo

    @sudo說話生猛若省港 千變萬化巧用「劏」 入面講:

    廣東話之「劏」,原本意思係「宰殺」,以刀割開動物身體。

    呢個字係近代新造,最早寫成「鏜」:

    不過睇返上古用例,係表示鐘鼓聲,「以鐵貫物」一說到《廣韻》(同《龍龕手鏡》成書年份接近,都係公元一千年左近)先收錄:
    https://ctext.org/dictionary.pl?if=gb&char=鏜

    • 《詩經·擊鼓》:擊鼓其鏜、踊躍用兵。
    • 《說文解字·金部》:鏜:鐘鼓之聲。
    • 《全唐詩·聖政紀頌》:磊磊其事,鏜鏜其聲。

相關主題

  • 6
  • 4
  • 3
  • 4
  • 1
  • 19
  • 2
  • 8
  • 3
  • 13
  • 3
  • 1
  • 2
  • 5
  • 1
  • 4
  • 16
  • 10
  • 1
  • 8
  • 3
  • 10
  • 27
  • 4
  • 2
  • 8
  • 10
  • 4