審星爺case個官會唔會邊審邊笑?


  • Citi

    呢幾日星爺同前女友于文鳳單case開庭,齋睇文字報道都想象到星爺把死人聲同抵死表情 :golden-sosad: :golden-sosad:

    你哋話個官會唔會一邊審一邊忍笑?

    alt text

    更多討論請睇


  • Citi

    蘋果有詳細報道

    https://hk.appledaily.com/local/20201127/FDGENI2N6FEOPDPZY7AKKCAHMQ/

    「唉!唔好講呢啲嘢啦,問呢啲!」

    周星馳今早繼續到高院作供,小休期間被記者「追討」他尚未履行「畀卡片」的承諾,周笑着謂:「諗下方法」、「遲啲畀」。記者反問「幾時」,周稱明天還會再來。記者提醒謂明天是周六,周不甘示弱回應:「唔畀我聽日嚟?」記者稱:「咁你咪嚟囉,睇下你係咪真係嚟!」周不敵,忍不住笑了。及後周星馳離開法庭時,再被記者追訪。被問到于文鳯將事件告上法庭,周對此有何感受時,周面露不悅謂:「唉!唔好講呢啲嘢啦,問呢啲!」

    「咪以為戴咗口罩,我就認你唔到!」

    記者和周星馳的對話,引來旁聽人士圍上來。站在最外圍、曾參選立法會的「娥姐」陳玉娥,此時突然問周:「認唔認得我?」周一臉惘然,娥姐繼續說:「你唔認得?嗰陣我未參選吖嘛!」星爺即時發揮搞笑本色:「化咗灰都認得你!咪以為戴咗口罩,我就認你唔到!」對白似曾相識,引得哄堂大笑。

    娥姐其間再插口自我介紹,自言曾參選立法會。周反問她參選甚麼,娥姐指是新界東,周僅點了點頭。記者問周對政治可有興趣,周稱「要時間學」,反問「你哋唔係做政治咩?」記者重申任職法庭版,周聞言謂:「法庭都有政治㗎嘛。」周又問:「咁你咪要咩都識?」

    另有一名年紀較大的旁聽女士,忽然向周遞上一個獨立包裝的口罩,稱是送給周使用。周指住自己的口罩問:「我呢個唔靚咩?」女士連忙解釋,是怕他全天作供,口罩受污染,只想給周替換。周接過口罩道謝。

    內地女粉絲專程到庭看周 周:乜依家通關喇咩?

    來自內地的一名女粉也出言表態支持周。她以普通話自我介紹,說是星爺的電影粉絲,來自內地,專程到法庭來看周。周未即時答話,反而問記者:「乜依家通關喇咩?」女粉絲隨即以廣東話補充,她因讀書關係,一直留在香港。

    答唔出《長江七號》第一句對白,「咁攞返個簽名嚟!」

    周星馳的一名男粉絲Bosco亦不甘示弱,趁機擠上前向周索取簽名,但周未有動手,只道「遲啲先啦」。Bosco及後再提出簽名要求,並遞上一張戲票票尾和原子筆,周伸出雙手欲接,中途卻把手縮回,稱「都係等陣先」;本已咧嘴而笑的Bosco笑容有點僵硬,場面搞笑。

    惟他隨即再露出笑臉,稱自己趕時間,希望周可以先簽名。最終在記者「幫口」下,周動筆為Bosco簽名,獲得周簽名的Bosco表現興奮,事後讓記者拍照。

    自言是星爺影迷的Bosco還向周表示,看過星爺的電影包括《長江七號》,但最愛還是《西遊記》。記者建議周「考下佢」,周即認真問道:「《長江七號》第一句對白係咩?」Bosco露出尷尬神情,答不出話,周即笑說:「咁攞返個簽名嚟!」令人忍俊不禁。記者見狀問周:「你記得咩?」周無法答話,與在場人士笑作一團。


  • Citi @恆智德

    @恆智德審星爺case個官會唔會邊審邊笑? 入面講:

    「咪以為戴咗口罩,我就認你唔到!」

    alt text


  • Citi @恆智德

    @恆智德 連登仔精彩總結
    娥姐 = 石榴
    Bosco = Richard/ 醬爆
    斯斯文文女學生 = 如花


  • Citi @恆智德

    @恆智德審星爺case個官會唔會邊審邊笑? 入面講:

    來自內地的一名女粉

    alt text


  • Citi @恆智德

    @恆智德審星爺case個官會唔會邊審邊笑? 入面講:

    「唉!唔好講呢啲嘢啦,問呢啲!」

    alt text


登入後回覆
 

相關主題