[純技術討論]用粵語拼音輸入嘅效率點?


  • Citi

    先唔考慮文化,比如話「我手輸我口」之類,同其它中文輸入方式比,使用粵語拼音輸入中文效率高唔高?

    :lomore-think: 有冇人做過類似研究,比如平均每隻字幾下keystroke。


  • Citi

    冇做過研究,以下為㞗噏
    雙字母「ng」「aa」「oe」「eo」「yu」之類會比較宂長,「ei」「ou」「eoi」明顯要長過普通話嘅「i」「u」「v」。
    粵語聲母比較少,有啲鍵用唔上(譬如Q之類),所以簡拼(即係衹打首字母)嘅情況下會有好多同音字。有啲韻母合併都會導致同音字比較多,譬如流樓、脆趨之類。
    當然你可以揀某啲方案,佢哋會將雙字母映射到用唔到嘅撳掣上,似Q之類,噉樣唔計聲調嘅話基本上就三個鍵內可以搞扂一個字(三拼)。不過始終要加埋聲調(即帶調三拼,可能要用到非字母鍵,變唨四拼)或者靠詞庫、成個詞打先可以精確到少部分字。
    倉頡好多常用字都要四五甚至六粒碼,但打單字唔打詞嘅情況下倉頡揀字嘅需求會少過拼音好多、即使係帶調拼音。
    所以我個人係比唔出邊個高,真正比賽嘅話都要兩隊人各自好熟悉各自嘅輸入法先得。


  • Citi

    其實我覺得大拇指衹負責空格係比較閒嘅……若果alt可以參與編碼或者shift同alt調轉就好返少少


  • Citi

    @玭玻邦 我諗要考慮下keyboard layout,憑直覺一般手指尾係冇咁靈活,好似「Q、Z」之類會打得慢少少?


  • Citi

    @親衛隊 單獨z仲可以接受啩;反而我係聽過有用家話,個孻尾指撳兩次a係有啲唔順、噉。其實有啲語文個layout係調換y z嘅,噉梗係唔係咁「通用」啦。始終我左手係擺慣喺wasd度嘅(打機太多),所以可能唔多覺有點唔順:golden-biggrin:


  • Citi

    如果假設都係最高熟練度嘅話,噉粵拼打字肯定係唔夠字形輸入法例如倉頡速成快嘅,因爲粵拼係拼音會有同音字,一揀字就會拖慢速度。但係粵拼同倉頡比有個優勢係個腦負擔細,唔使好似倉頡噉仲要諗隻字點寫,所以用粵拼打字係真正嘅「我手寫我口」。粵拼仲有個優勢就係好多「識講唔識寫」嘅字打個拼音就可以睇到個提示應該點寫,唔使驚唔識寫邊隻粵語字。


  • Citi

    @jyutping 不過問題係,若果唔識個字點寫,即使粵拼打字嗰陣睇到都未必反應過嚟個音係個字喎。雖然形碼就真正係唔識寫就冇辦法打,冇辦法打就逐漸逐漸噉冇人用嘞,噉樣睇仲係幾牙煙下嘅。


  • Citi

    @玭玻邦 輸入法有提醒𠺢嘛,唔識寫咪直接揀第一個囉


  • Citi

    @jyutping 唔係得返個拼音提示啫?除非成個詞打先有上下文提示啩


  • Citi

    @jyutping 你好似衹會覆「粵拼」相關話題,專號專用? :lidog-smile:


登入後回覆
 

相關主題

  • 3
  • 95
  • 1
  • 37
  • 1
  • 1
  • 4
  • 6
  • 2
  • 8